આસિયાન સંરક્ષણ મંત્રીઓની બેઠકને સંબોધતા સંરક્ષણ મંત્રી રાજનાથ સિંહે જણાવ્યું હતું કે, અમારું માળખું આપણી તાકાતનો બીજો સ્તંભ છે, કારણ કે તેમાં 18 મુખ્ય દેશોના સંરક્ષણ મંત્રાલયોનો સમાવેશ થાય છે, જે પ્રાદેશિક સુરક્ષા ગતિશીલતામાં મુખ્ય હિતધારકો છે.
તેમણે કહ્યું હતું કે, આપણે જૈવ આતંકવાદ, આંતરરાષ્ટ્રીય તસ્કરી અને મહામારીના રોગોના જોખમોને પહોંચી વળવા માટે અમારા પ્રયાસો ચાલુ રાખવાની જરૂર છે. છેલ્લા એક દાયકામાં એડીએમએમએ આ વિસ્તારમાં શાંતિ અને સ્થિરતા વધારી છે.
જણાવી દઈએ કે આજે 13 ડિસેમ્બરે આસિયાનની દસમી વર્ષગાંઠ છે. એટલા માટે આ બેઠક યોજાઈ છે. રાજનાથ સિંહને બુધવારે જણાવવામાં આવ્યું હતું કે તેઓ મંત્રીઓની બેઠકને સંબોધિત કરશે. કોરોના વાયરસના ચેપને કારણે આ બેઠક વર્ચ્યુઅલ થઈ રહી છે. ગયા વર્ષે રાજનાથ સિંહે બેંગકોકમાં (એડીએમએમ પ્લસ) અને ડિફેન્સ એન્ડ સિક્યોરિટી 2019 પ્રદર્શનના ઉદ્ઘાટન સમારોહમાં હાજરી આપી હતી.
અત્રે ઉલ્લેખનીય છે કે છેલ્લી બેઠક દરમિયાન રાજનાથ સિંહે કોઈ પણ દેશનું નામ લીધા વગર કહ્યું હતું કે, રાજ્ય પ્રાયોજિત આતંકવાદ માત્ર પીડાદાયક કેન્સર નથી પરંતુ સુરક્ષા માટે પણ ખતરો છે.
