લાલુ યાદવની પુત્રી મીસા ભારતી વિરુદ્ધ બીજી ચાર્જશીટ દાખલ

મની લોન્ડ્રિંગ કેસમાં દિલ્હીની કોર્ટે લાલુ પ્રસાદની પુત્રી મીસા ભારતી વિરુદ્ધ બીજી ચાર્જશીટ દાખલ કરી છે. પીએમએલએ દ્વારા આ કેસમાં મીસા ભારતી વિરુદ્ધ બંને ચાર્જશીટની તપાસ માટે પાંચ ફેબ્રુઆરીએ વિચાર કરવામાં આવશે.
અા પહેલા ઈડીએ 23 ડિસેમ્બર 2017એ 8000 કરોડ રૂપિયાના મની લોન્ડ્રિંગના કેસમાં રાષ્ટ્રીય જનતા દળની સાંસદ મીસા ભારતી અને તેમના પતિ શૈલેષ કુમાર વિરુદ્ધ એક ચાર્જશીટ દાખલ કરી હતી. ઈડીએ જુલાઈમાં આ મામલે ભારતીના ચાર્ટર્ડ એકાઉન્ટ રાજેશ અગ્રવાલ વિરુદ્ધ પૂરક ચાર્જશીટ દાખલ કરી હતી. જેમાં કેટલાક કારોબારી સહિત બંધુ સુરેન્દ્ર જૈન અને વિરેન્દ્ર જૈન સહિત લગભગ 35 લોકો આરોપી હતા.આ મામલે ઈડીને 20 માર્ચે જૈન બંધુઓની ધરપકડ કરી હતી તેમજ મે મહિના પહેલા ચાર્જશીટ દાખલ કરી હતી. જે બાદ 22 મે એ અગ્રવાલની ધરપકડ કરાઈ હતી. અગ્રવાલ ઉપર ભારતીના પતિની કંપની મિશેલ પેકર્સ એન્ડ પ્રિન્ટર્સ પ્રાઈવેટ લિમિટેડને ખોટી રીતે મદદ કરવાનો આરોપ પણ છે. આ મામલે ઈડીએ ભારતી સાથે પૂછપરછ કરી હતી અને દિલ્હીમાં મીસા ભારતી અને તેમના પતિના કેટલાક ઠેકાણાઓ પર દરોડા પાડ્યા હતા.અાજે ફરી અેકવાર લાલુ યાદવની પુત્રી મીસા ભારતી વિરુદ્ધ બીજી ચાર્જશીટ દાખલ કરવામાં અાવી છે.