ગુજરાત વિધાનસભાનું હાલ બજેટ સત્ર ચાલુ છે તેમાં રાજ્યના ગૃહપ્રધાન પ્રદીપસિંહ જાડેજાએ ગુરુવારે પોતાના નિવેદનમાં કહ્યું હતું કે ભાજપને 99 બેઠકો મળવા પાછળનું કારણ કસાઈઓ અને દારુડિયાએ ભાજપને વોટ નથી આપ્યા. ઉલ્લેખનીય છે કે ગત ડિસેમ્બરમાં યોજાયેલ ચૂંટણીમાં ભાજપને 99 અને કોંગ્રેસને 77 બેઠક મળી હતી.વિધાનસભામાં બજેટ સેશનના પહેલા દિવસે રાજ્યપાલ ઓ.પી. કોહલીનો આભાર વ્યક્ત કરતા તેમણે કહ્યું કે, ‘હું તમને જણાવું છું કો અમારી બેઠકો કેમ ઓછી આવી કોણે અમને વોટ નથી આપ્યા? આ એ કસાઇઓ છે જેઓ ભાજપે લાગુ પાડેલા ગૌવંશ હત્યા પ્રતિબંધ કાયદાથી અમારા પ્રત્યે ગુસ્સે થયેલા છે તો બાકી એવા બુટલેગર્સ છે જેઓ ભાજપ શાસનમાં રહેલા કડક નશાવિરોધી કાયદાના કારણે અમારો વિરોધ કરી રહ્યા છે.’પોતાના વક્તવ્ય દરમિયાન જ્યારે કોંગ્રેસ દ્વારા દ્વારા ઈંગિત કરવામાં આવ્યું કે ભાજપ ગમે તે કહે પરંતુ તેની બેઠકો ઘટી છે. જેના જવાબમાં તેમણે આમ કહ્યું હતું. ઉપરાંત તેમણે સ્કૂલ ફીનો પણ મુદ્દો ઉઠાવતા કહ્યું કે, ‘અમે સ્કૂલ ફીને મર્યાદામાં બાંધી રાખવા માટે કાયદો લઈને આવ્યા જેના કારણે અનેક સ્કૂલ ધારકો અમારો વિરોધ કરી રહ્યા છે. તેમજ કેન્દ્ર સરકારે મુસ્લીમ મહિલાઓના રક્ષણ માટે લાવેલા કાયદાના કારણે જેઓ ભાજપ પ્રત્યે ગુસ્સો હતા તેમણે અમને વોટ નથી અપ્યા પરંતુ અમને તેમની પરવા પણ નથી.’જ્યારે પ્રદીપસિંહે કોંગ્રેસને ટાર્ગેટ કરતા કહ્યું કે, ‘કોંગ્રેસ 77 બેઠકો પર જાતીવાદ અને જ્ઞાતિવાદનું રાજકરણ રમીને પહોંચી શકી છે. કોંગ્રેસે તો ચંટણી પરિણામો પહેલા જ જાહેર કરી દીધું હતું કે તેઓ 125 બેઠકો સાથે સત્તા પર આવશે. પરંતુ માત્ર 77થી તેમને સંતોષ માનવો પડ્યો છે.’આ સાથે જ તેમણે રાહુલ ગાંધી પર પણ નિશાનો સાધતા કહ્યું કે, ‘ટોચના કોંગ્રેસની નેતા કે જેમણે ક્યારેય મંદિરોની મુલાકાત લીધી નથી તેઓ ચૂંટણી પહેલા અચાનક જ જુદા જુદા મંદિરોમાં જવા લાગ્યા હતા અને સત્તા માટે પ્રાર્થના કરતા હતા.’
જોકે ગ્રામ્ય પ્રજા, યુવાનો અને મહિલાઓના કારણે અમે જીત્યા છીએ. આ લોકોએ અમારામાં વિશ્વાસ દાખવ્યો છે. જ્યારં બીજી બાજુ કોંગ્રેસ ધારાસભ્ય વિક્રમ માડમે કહ્યું કે, ‘સારા સારા શબ્દો અને ડાયલોગબાજીથી ફિલ્મો ચાલે છે. પરંતુ દેશ ચલાવવા માટે તમારી પાસે કોંક્રિટ પ્લાન હોવો જોઈએ. ફક્ત મોટી મોટી વાતો કરે કંઈ ન થાય.’
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.