ગાંધીના ગુજરાતમાં દારૂની રેલમછેમ થાય છે અને તેના કારણે પાડોશી રાજ્યનાં મુખ્યમંત્રી અશોક ગેહલોત પણ વારંવાર ટોણો મારતા રહે છે. જોકે ગુજરાત સરકાર આ અંગે મોન સેવી લે છે અથવા બહાનાબાજી કરે છે કે, ગુજરાતમાં દારૂનું વેચાણ નથી થતું. અને આ અંગે ક્યારેક-ક્યારેક રાજનીતિમાં ગરમાવો પણ આવી જાય છે. હવે ગુજરાતનાં મુખ્યમંત્રી સ્વીકાર કરે કે ના કરે પણ તેમના પક્ષના સિનિયર સાંસદે ગુજરાતમાં દારૂ મળે છે નો સ્વીકાર કર્યો છે અને કહ્યું છે કે, જો હું ના કહું તો હું ખોટો પડું.
વધુમાં કેમણે પ્લાસ્ટિકની પોટલીનો ઉલ્લેખ કરતા પ્રવચનમાં જણાવ્યું કે, ઘણા બધા પીણાં પોટલી સ્વરૂપે લઈ જાય છે અને પોટલીથી તો નુકસાન જાય જ છે પણ પોટલીમાં રહેલ પદાર્થ હોય છે તેનાથી તો વધુ નુકસાન જાય છે. કાર્યક્રમ તો હતો ભારતને પ્લાસ્ટિક મુક્ત બનાવવાનો અને તેમાં પણ કેન્દ્ર સરકારના પર્યાવરણ વિભાગ દ્રારા નિર્મિત વાંસમાંથી બનાવેલ બોટલનાં નિદર્શન અમે લોચિંગનો, બોટલને હોંશે હોંશે નેતાઓ અને અધિકારીઓએ લોન્ચ પણ કરી અને તેના ફાયદા ગણાવ્યા અને પ્લાસ્ટિકની બોટલનાં ગેરફાયદા પણ ગણાવી દીધા, પણ જ્યારે મીડિયાએ પૂછ્યું કે, આ કાર્યક્રમમાં જ મહેમાનો માટે જાહેર સ્ટેજ પર પ્લાસ્ટિકની બોટલ મુકાઈ છે ત્યારે સાંસદે જણાવ્યું કે, હા અમે સ્વીકારીએ છે કે, દરેક કાર્યક્રમમાં આવું જ થાય છે.
