PM મોદીએ 4 વર્ષમાં મહેમાનોના સ્વાગતમાં 10 વખત તોડ્યો પ્રોટોકોલ

ઇઝરાયલના પ્રધાનમંત્રી બેન્જામીન નેતન્યાહુના ભારત પ્રવાસે અાવતા PM મોદીની મહેમાન નવાજી અને અાગતાસ્વાગતાનો અંદાજ ચર્ચામાં છે.ખરેખર, મોદીએ રવિવારના રોજ પ્રોટોકૉલને તોડ્યો અને પોતે નેતન્યાહુનું સ્વાગત કરવા એરપોર્ટ પહોંચ્યા હતા.આ દરમિયાન તેમણે નેતન્યાહુ માટે ભારતના જમીન પર ખુલ્લા દીલથી તેમને ગળે લગાવી સ્વાગત કર્યુ. કોંગ્રેસ દ્વારા PM મોદીના અન્ય નેતાઓને ગળે લગાડવાના મુદાને મજાક ઉડાવી અને એક વીડિયો પણ રજૂ કરવામાં આવ્યો હતો.મોદી અન્ય નેતાઓ સાથે તેમની મિત્રતા અને વ્યક્તિગત સંબંધોના કારણે જાણીતા છે.પડોશી દેશોના નેતાઓ સાથે મોદી ખુબ લાગણીપૂર્વક મળે છે.પછી તે પૂર્વ અમેરિકી પ્રમુખ બરાક ઓબામા સાથે તેમની મિત્રતા હોય અથવા તો જાપાનના વડાપ્રધાન શીંજો આબે સાથે જૂની પુરાની દોસ્તી હોય. અેક ઉદાહરણ પુરૂ પાડે છે PM મોદીની મહેમાન નવાજી.મોદી ગયા વર્ષે 10 વખત પ્રોટોકોલ તોડીને પણ મળ્યા છે.મનમોહન સિંહે તેમના કાર્યકાળ દરમિયાન ફક્ત 3 વખત જ પ્રોટોકોલ તોડ્યો હતો.
PM મોદી પોતાનાં મહેમાનોનું ખાસ ધ્યાન રાખે છે જેથી બે દેશો વચ્ચે પ્રેમ જાળવાયેલો રહે. તેમના અા લાક્ષણિક અંદાજની સમગ્ર વિશ્વમાં ચર્ચા પણ છે અને નોંધ પણ લેવાય છે.
જાણો PM મોદીએ ક્યારે ક્યારે પ્રોટોકોલ ભંગ કર્યો.
સપ્ટેમ્બર 2014 – ચીનના રાષ્ટ્રપતિ શી જિનપીંગના અમદાવાદ પ્રવાસ દરમિયાન સ્વાગત સ્વયં મોદી કરવા ગયા હતા.
જાન્યુઆરી 2015 – અમેરિકાના ભૂતપૂર્વ રાષ્ટ્રપતિ બરાક ઓબામાનું અેરેપોર્ટ પર સ્વાગત કરવા ગયા હતા.
ડિસેમ્બર 2015 – જાપાનના PM શીંજો આબેનું વરણાસીમાં સ્વાગત કર્યુ હતુ.
જાન્યુઆરી 2016 – ફ્રાન્સના તત્કાલીન રાષ્ટ્રપતિ ઓલાંદનું ચંદીગઢમાં સ્વાગત કરવામાં આવ્યુ હતુ.
જાન્યુઆરી 2017 – અબુધાબીના પ્રિન્સ શેખ મોહમ્મદ બિન જૈયદ દિલ્હીમાં સ્વાગત કરવામાં આવ્યુ હતુ.
એપ્રિલ 2017 – બાંગ્લાદેશના PM.શેખ હસીનાનું દિલ્હીમાં સ્વાગત કરવામાં આવ્યુ હતુ.
જુલાઈ 2017 – જાપાનીઝ PM સાથે અમદાવાદમાં ખુલ્લી જીપમાં રોડ શો કર્યો હતો.
2017 – ઓસ્ટ્રેલિયાના PM મૈલ્કમ ટર્નબુલ સાથે દિલ્હી મેટ્રોની સવારી કરી હતી.
2017 – અમેરિકી રાષ્ટ્રપતિ ડોનાલ્ડ ટ્રમ્પની દીકરી ઇવાકા ટ્રમ્પ સાથે હૈદરાબાદમાં ડિનર કર્યું
જાન્યુઆરી 2018- ઇઝરાયલ પીએમ બેન્જામીન નેતન્યાહુના દિલ્હી એરપોર્ટ પર સ્વાગત કરવા માટે આવ્યા
એટલું જ નહીં પ્રોટોકોલ હેઠળ વડાપ્રધાન અન્ય રાષ્ટ્રપતિઓનું સ્વાગત કરવા એરપોર્ટ પર નહીં જઇ શકતા, વિદેશ મંત્રી તેમનું સ્વાગત કરે છે પરંતુ ઘણી વખત મોદી ખુદ સ્વાગત કરવા ગયા છે.