મારી અજબ છે કેબીનેટ કોઈને શું ફરિયાદ કરૂ? એમએલએ રીસાઈ જાયતો બોલો મોદી હું શું કરૂં?

ગુજરાતમાં જૈન વાણીયા ધંધામાટે જાણીતા છે. એમાય જ્યારે એ રાજકારણના ધંધામાં પડે ત્યારે જોખીજોખીને બોલે અને વર્તે બધુંય ત્રાજવે તોળીને કરે એમાંય વળી રંગુની મૂળીયાવાળા જૈન મુખ્યમંત્રી વિજય રૂપાણી બધાને ત્રાજવે તોળીને કામ કરે છે, પરંતુ રૂપાણીની હાલત અત્યારે ત્રાજવામાં દેડકાં તોલવા જેવી થઈ ગઈ છે.
ગુજરાતમાં 99 સીટ પરથી જીતીને અાવ્યા બાદ રૂપાણી માટે બધા અેમએલએ હવે ડાહ્યા ડમરા પાળેલા ડોગી જેવા નથી રહ્યા. એમને કોઈ કહે બેસતો બેસ અને ઉભો થા તો ઉભા થાય હવે બધાં અેમએલએ પાળેલા દેડકાં જેવાં થઈ ગયા છે.પ્રધાનમંડળ બનાવવા તમામ જિલ્લા અને જ્ઞાતિને તોળી તોળીને ત્રાજવામાં મૂકવામાં જાય છે તો બીજા એમ.એલ.એ પલ્લામાંથી દેડકાની જેમ કૂદી પડે છે.
સૌથી પહેલાં એમણે નાયબ મુખ્યપ્રધાન નીતિન પટેલનું કદ કાપવાનો પ્રયાસ કર્યો તો બટકા નીતિન પટેલ સ્પ્રિંગની જેમ ઉછળ્યા અને મનમાન્યું નાણાં ખાતું લઈ લીધું અને સૌરભના સઢમાં કાણું પાડી દીધું આટલું ઓછું હોય એમ હજુ માંડ અા વમળ શમે ત્યાં તો પુરૂષોતમ સોલંકી અને જેઠા ભરવાડ ઉભા થઈ ગયા. પુરૂષોતમ સોલંકીએ રૂપાણીના નાકનીચે માખીઓ મુકી દીધી જેથી શાંતિથી બેસી ન શકે.
સોલંકીએ રૂપાણીની સામે પોતાના બંગલે કોળી અને અોબીસી સમાજના નેતાઓની બેઠક બોલાવી છેવટે રૂપાણીઅે નાકલીટી તાણી અેમને મનાવી લીધા છે. ત્યાં જેઠા ભરવાડ અાડા ફાટ્યા છે છેલ્લી પાંચ ટર્મથી ચૂંટાઈ અાવતાં જેઠા ભરવાડનું બાહુબલી તરીકે વર્ચસ્વ ઘણું મોટું છે અેમને ભરવાડ અને રબારી સમાજને ભેગા કરી હવે ગાયોના નામે અાંદોલન કરાવી પાછલાં બારણેથી નાક દબાવવાની પેરવી શરૂ કરી છે.રૂપાણીના રાજમાં ગૌહત્યા બંધ કરવા માટે બહાર નીકળેલા રબારી અને ભરવાડ સમાજના લોકોને શાંત કરનાર જેઠા ભરવાડ હવે પ્રધાનમંડળમાં સ્થાન મેળવવા અા લોકોને ઉશ્કેરવાના મૂડમાં છે.
અા પ્રકારે અેક પછી અેક અેમએલએ રૂપાણીને પરેશાન કરી રહ્યા છે, વડોદરાના ધારાસભ્યોએ તલવાર તો કાઢી જેના કારણે રૂપાણીની હાલત અત્યારે તો અેવી સ્થિતિમાં મુકી દીધા છે કે એમને વાણીયાની મુછ નીચી રાખવી પડે અેમ છે કારણકે 99 ધારાસભ્યો સાથે બેઠેલા રૂપાણીની સ્થિતિ અેવી છે કે કુતરુ તાણે ગામ ભણીને શિયાળ તાણે સીમભણી જેવી છે અા સ્થિતિને જોતાં અેક કવિતા યાદ અાવ્યા વગર રહેતી નથી.
હાલત અને નશીબે અેવા અેમએલએ ભરી દીધાકે
ન રસ્તાની ખબર છે તો ટોળાંને લઈને શું કરૂ ?