સૌરાષ્ટ્રની સંસ્કૃતિનો ઉજાસ બની રહેલો લોકમેળો
રાજકોટ શહેરનું ગૌરવ ગણાતો લોકમેળો આ વર્ષે પણ રેસકોર્સ મેદાન ખાતે 14થી 18 ઑગસ્ટ 2025 દરમ્યાન ભવ્ય ઢબે યોજાશે. આ મેળો માત્ર મેળો નથી, પણ સમગ્ર સૌરાષ્ટ્રના લોકજીવન, પરંપરા અને વિવિધતાનું એક વિશિષ્ટ પ્રતિબિંબ છે.
નગરજનોને મળ્યો અનોખો અવસર
આ વખતે રાજકોટ લોકમેળા માટે શીર્ષક સ્પર્ધા અંતર્ગત નગરજનોને અનોખો અવસર આપવામાં આવ્યો છે – મેળાને એક ટૂંકું, આકર્ષક અને સંસ્કૃતિસમૃદ્ધ શીર્ષક આપવાનું. શહેરજનો પોતાનું કૃતિશીલ શીર્ષક 1 ઑગસ્ટ 2025 રાત્રિ 11:59 સુધી ઈમેઈલ દ્વારા મોકલી શકે છે: લોકમેળારાજકોટ એટ જીમેઇલ ડોટ કૉમ
શું હોવું જોઈએ એક આદર્શ શીર્ષકમાં?
લોકમેળા અમલીકરણ સમિતિએ સ્પષ્ટ કર્યું છે કે શીર્ષક હોવું જોઈએ ટૂંકું, સર્જનાત્મક અને સૌરાષ્ટ્રના સંસ્કૃતિના રંગોથી ભરપૂર. આ સ્પર્ધા ન માત્ર નવો શીર્ષક શોધવાની છે, પણ લોકોના દિલમાં રાજ કરે તેવો ભાવ જાગે તેવા શબ્દોની શોધ છે.
જીતો વિશેષ ઈનામ અને ઈતિહાસમાં સ્થાન
સ્પર્ધામાં શ્રેષ્ઠ શીર્ષક પસંદ કરનારને સમિતિ દ્વારા વિશેષ પુરસ્કાર આપવામાં આવશે. વિજેતાનું નામ જાહેર કરી તેનું સન્માન પણ કરવામાં આવશે. સમિતિનો નિર્ણય અંતિમ ગણાશે અને તમામ નિયમોનું કડક રીતે પાલન કરવું ફરજિયાત રહેશે.
મેળાની તૈયારીઓ પૂર્ણ ગતિએ
રાજકોટ લોકમેળાની તૈયારીઓ પણ પૂર્ણ વેગે ચાલી રહી છે. 26થી 28 જુલાઈ દરમ્યાન 234 પ્લોટ અને સ્ટોલ માટે હરાજી તેમજ ડ્રો યોજાશે. ખાણીપીણી, રમકડાં, યાંત્રિક ચકરડીઓ જેવી વિવિધ કેટેગરીઓ માટે વ્યવસ્થા હાથ ધરાશે. રાજ્ય સરકારના નવી એસોપીના પાલન સાથે સલામતી વ્યવસ્થાઓ વધુ સઘન બનાવવામાં આવી છે.
મેળો માત્ર મનોરંજન નહીં, રોજગારી અને સંસ્કૃતિનો તહેવાર
દર વર્ષે આશરે 15 લાખ લોકો ભાગ લેનાર આ મેળો શહેરની અર્થવ્યવસ્થા, લોકલ વેપાર અને સાંસ્કૃતિક પ્રતિભાઓ માટે નવું મંચ પૂરું પારે છે. રેસકોર્સ મેદાનમાં યોજાતા આ મેળામાં વિવિધ લોકકલાકારોથી માંડી રોજગારી શોધતા યુવાનો સુધી સૌને સ્થાન મળે છે.
તમારી કલ્પના બની શકે છે લોકમેળાની ઓળખ
આ શીર્ષક સ્પર્ધા માત્ર શાબ્દિક રમત નહીં, પણ ઈતિહાસ રચવાની તક છે. તમારું એક અનોખું શીર્ષક લાખો મુલાકાતીઓને આકર્ષી શકે છે અને લોકમેળાને નવી ઓળખ આપી શકે છે. તો વિચાર કરો, સર્જનાત્મકતા જગાવો અને રાજકોટે આપેલા આમંત્રણને સ્વીકારી ભાગ લો.
