ODIમાં સૌથી વધુ સેન્ચુરી લગાવનારા ખેલાડીઓની યાદીમાં રોહિત શર્માનું સ્થાન જાણો
ODI ક્રિકેટમાં સૌથી વધુ સદી ફટકારનારા ખાસ ક્લબમાં ભારતીય બેટ્સમેનોનું વર્ચસ્વ છે. ટોપ-૩ બેટ્સમેન ભારતના દિગ્ગજ ખેલાડીઓ છે, જેમાંથી ૨ હજુ પણ ODI ક્રિકેટમાં સક્રિય છે.
૧. વિરાટ કોહલી: ૫૧ સદી
ODI ક્રિકેટના ઇતિહાસમાં સૌથી વધુ સદી ફટકારવાનો રેકોર્ડ વિરાટ કોહલીના નામે છે. કોહલીએ ODI ક્રિકેટમાં માત્ર ૨૯૩ ઇનિંગ્સમાં ૫૧ સદી ફટકારી છે. વિરાટ કોહલી વિશ્વના પ્રથમ અને એકમાત્ર એવા ખેલાડી છે, જેમણે ODIમાં ૫૦ કે તેથી વધુ સદી ફટકારવાનો કમાલ કર્યો છે.
૨. સચિન તેંડુલકર: ૪૯ સદી
મહાન બેટ્સમેન સચિન તેંડુલકર ODI ક્રિકેટના ઇતિહાસમાં બીજા સૌથી વધુ સદી ફટકારનારા બેટ્સમેન છે. તેમણે ODI ક્રિકેટમાં ૪૫૨ ઇનિંગ્સમાં ૪૯ સદી ફટકારવાનું કારનામું કર્યું છે. ODI ક્રિકેટમાં ઘણા વર્ષો સુધી સચિનના નામે સૌથી વધુ સદી ફટકારવાનો રેકોર્ડ નોંધાયેલો હતો, જે પાછળથી વિરાટ કોહલીએ તોડ્યો.
૩. રોહિત શર્મા: ૩૩ સદી
ODI ક્રિકેટના ઇતિહાસમાં સૌથી વધુ સદી ફટકારવાના મામલે ટીમ ઇન્ડિયાના પૂર્વ કેપ્ટન રોહિત શર્મા ત્રીજા ક્રમે છે. રોહિત શર્મા ૨૬૮ ODI ઇનિંગ્સમાં ૩૩ સદી ફટકારી ચૂક્યા છે. રોહિત વિશ્વના તે પસંદગીના બેટ્સમેનોમાં ગણાય છે, જેમણે ૫૦ ઓવરના ફોર્મેટમાં ૩૦થી વધુ સદી ફટકારી છે.
૪. રિકી પોન્ટિંગ: ૩૦ સદી
રિકી પોન્ટિંગનું નામ પણ આ ખાસ યાદીમાં સામેલ છે. ઓસ્ટ્રેલિયાના સૌથી સફળ કેપ્ટન રિકી પોન્ટિંગે ODI ક્રિકેટમાં ૩૦ સદી ફટકારી છે. તેમણે ૩૬૫ ઇનિંગ્સમાં આ કમાલ કર્યો હતો. ઘણા વર્ષો સુધી તેઓ સચિન પછી બીજા સૌથી વધુ ODI સદી ફટકારનારા બેટ્સમેન હતા. બાદમાં વિરાટ અને પછી રોહિતે પોન્ટિંગને પાછળ છોડ્યા.
