ઈરાન અને યુક્રેન વચ્ચે ‘ગુપ્ત ડીલ’ના સમાચાર તદ્દન ખોટા! રશિયાએ પશ્ચિમી દેશોના દાવાને ગણાવ્યા ‘ફેક ન્યૂઝ’

રશિયાએ ‘ઈરાન અને યુક્રેન વચ્ચેની ગુપ્ત ડીલ’ના અહેવાલોને ફગાવ્યા: ફેક ન્યૂઝ ગણાવ્યા

મોસ્કોએ તાજેતરમાં મીડિયામાં વહેતા થયેલા તે અહેવાલોનું સખત શબ્દોમાં ખંડન કર્યું છે, જેમાં દાવો કરવામાં આવ્યો હતો કે રશિયાએ અમેરિકા સમક્ષ એક ખાસ ઓફર મૂકી હતી. આ અહેવાલો મુજબ, રશિયાએ એવી દરખાસ્ત કરી હતી કે જો અમેરિકા યુક્રેનને ગુપ્ત માહિતી આપવાનું બંધ કરે, તો રશિયા પણ ઈરાન સાથેની ગુપ્ત માહિતી શેર કરવાનું બંધ કરી દેશે. રશિયાએ આ વાતને સંપૂર્ણપણે નકારી કાઢી છે અને તેને ભ્રામક ગણાવી છે.

અમેરિકન મીડિયા કંપની ‘પોલિટિકો’ના એક રિપોર્ટમાં એવો દાવો કરવામાં આવ્યો હતો કે રશિયાના રાષ્ટ્રપતિ વ્લાદિમીર પુતિનના દૂત કિરીલ દિમિત્રીવે ગયા અઠવાડિયે મિયામીમાં ટ્રમ્પ વહીવટીતંત્રના દૂતો સ્ટીવ વિટકોફ અને જેરેડ કુશનર સાથે મુલાકાત કરી હતી. આ બેઠક દરમિયાન જ ગુપ્ત માહિતીની આપ-લે રોકવાનો પ્રસ્તાવ મૂકવામાં આવ્યો હોવાનું કહેવાતું હતું.

અમેરિકાએ પ્રસ્તાવ ઠુકરાવ્યો હોવાનો દાવો

રિપોર્ટમાં સૂત્રોને ટાંકીને જણાવવામાં આવ્યું હતું કે અમેરિકાએ રશિયાના આ પ્રસ્તાવને સ્વીકારવાનો ઇનકાર કરી દીધો છે. નોંધનીય છે કે ફેબ્રુઆરી 2022માં યુક્રેન પર રશિયાના આક્રમણ બાદથી જ અમેરિકા સતત યુક્રેન સાથે રશિયાના સૈન્ય મૂવમેન્ટ અંગેની ગુપ્ત માહિતી શેર કરી રહ્યું છે. જોકે, કિરીલ દિમિત્રીવે સોશિયલ મીડિયા પ્લેટફોર્મ X પર સ્પષ્ટતા કરતા આ રિપોર્ટને ‘ફેક’ (નકલી) ગણાવ્યો છે.

આ મામલે રિપબ્લિકન સાંસદ અન્ના પોલિના લૂનાએ પણ ‘પોલિટિકો’ની ટીકા કરી છે. તેમણે જણાવ્યું હતું કે આવા અહેવાલો માત્ર રશિયા અને અમેરિકા વચ્ચે તણાવ વધારવાનો પ્રયાસ છે અને તેને ગંભીરતાથી લેવા જોઈએ નહીં.

ટ્રમ્પનો મોટો ખુલાસો: ઈરાન સાથેની દુશ્મની વચ્ચે અમેરિકાએ નક્કી કરી દીધી લક્ષ્મણ રેખા

પાકિસ્તાન સાથેની મિત્રતા પર તુર્કિએનું ખુલ્લું સમર્થન: ભારત માટે શું છે સંદેશ?

ઈરાન અને રશિયાના સંબંધો પર સવાલો

અહેવાલમાં દાવો કરવામાં આવ્યો હતો કે રશિયાએ અમેરિકા અને ઈઝરાયેલ સામેના સંઘર્ષ દરમિયાન ઈરાનને અત્યંત સંવેદનશીલ ગુપ્ત માહિતી પૂરી પાડી હતી. આ માહિતીમાં મધ્ય પૂર્વમાં તૈનાત અમેરિકન યુદ્ધ જહાજો અને વિમાનોના ચોક્કસ લોકેશનનો સમાવેશ થતો હોવાનું કહેવાય છે. જોકે, આ અહેવાલને પણ પાયાવિહોણો ગણાવ્યો હતો.

યુક્રેન યુદ્ધ દરમિયાન ઈરાન રશિયાના મજબૂત સાથી તરીકે ઉભરી આવ્યું છે. યુદ્ધની શરૂઆતમાં ઈરાને રશિયાને ડ્રોન સપ્લાય કર્યા હોવાના અહેવાલો પણ સામે આવ્યા હતા, જેના દ્વારા યુક્રેનના શહેરો પર હુમલા કરવામાં આવ્યા હતા. રશિયા માનવીય સહાય મોકલવાની વાત સ્વીકારે છે, પરંતુ ઈરાનને લશ્કરી કે ગુપ્તચર રીતે કેવી મદદ કરી રહ્યું છે તે અંગે હંમેશા મૌન સેવે છે.