ભારત-અમેરિકા વેપાર તણાવ વચ્ચે પુતિનની ભારત મુલાકાત
રશિયાના રાષ્ટ્રપતિ વ્લાદિમીર પુતિન ટૂંક સમયમાં ભારતની મુલાકાત લેશે, તેવી માહિતી ભારતના રાષ્ટ્રીય સુરક્ષા સલાહકાર (NSA) અજિત ડોભાલે મોસ્કોમાં આપી છે. તેમની આ મુલાકાત એવા સમયે થઈ રહી છે જયારે ભારત અને અમેરિકા વચ્ચે વેપાર સંબંધિત તણાવ ચાલી રહ્યો છે, અને તે કારણે આ મુલાકાત વ્યૂહાત્મક રીતે ખૂબ જ મહત્વ ધરાવે છે.
રશિયા સાથે વ્યૂહાત્મક ભાગીદારી વધુ મજબૂત બનાવવાનો પ્રયાસ
ડોભાલે જણાવ્યું હતું કે ભારત અને રશિયા ઘણા વર્ષોથી એકબીજાના “વિશ્વાસપાત્ર વ્યૂહાત્મક ભાગીદાર” છે. બંને દેશો વચ્ચે સંરક્ષણ, ઊર્જા, વેપાર અને ભૌગોલિક રાજનીતિના ક્ષેત્રોમાં સહયોગને વધુ મજબૂત બનાવવાની દિશામાં આ મુલાકાત એક મજબૂત પગલું સાબિત થશે.
અમેરિકા સામે સંયુક્ત રણનીતિના સંકેત
ભારત દ્વારા રશિયન ક્રૂડ તેલ ખરીદી પર અમેરિકાએ 50% ટેરિફ લાદ્યું છે. આવી પરિસ્થિતિમાં પુતિનની મુલાકાત દરમિયાન બંને દેશો વચ્ચે અમેરિકા સામે સંયુક્ત મૂકાશેલી રણનીતિ અંગે ચર્ચા થવાની શક્યતા છે. યુક્રેન યુદ્ધ, આંતરરાષ્ટ્રીય નીતિ, ત્રીપક્ષીય વેપાર સંબંધો વગેરે મુદ્દાઓ પણ એજન્ડામાં હોવાની સંભાવના છે.
4 વર્ષ પછી પુતિનની ભારત મુલાકાત
રશિયાના રાષ્ટ્રપતિની છેલ્લી ભારત મુલાકાત ડિસેમ્બર 2021માં થઈ હતી. ત્યારબાદ કોરોના મહામારી અને યુક્રેન યુદ્ધના કારણે તેઓ મુલાકાતે આવી શક્યા નહોતા. હવે તેઓ 2025ના અંત સુધીમાં 23મા ભારત-રશિયા સમિટમાં ભાગ લેવા નવી દિલ્હી આવશે.
મોદીના કાર્યકાળમાં છઠ્ઠી મુલાકાત
પીએમ નરેન્દ્ર મોદીના વડાપ્રધાનપદ દરમિયાન પુતિન છઠ્ઠી વખત ભારત આવી રહ્યા છે, જે ભારત-રશિયા સંબંધોના ઊંડાણ અને સતત સંવાદને દર્શાવે છે.
