ગુજરાત ATS દ્વારા 30 વર્ષીય શમા પરવીનની ધરપકડ
ગુજરાત એટીએસે ૩૦ વર્ષીય યુવતી શમા પરવીનની ધરપકડ કરી છે. તેની પર દેશવિરુદ્ધ કાર્યમાં સામેલ હોવાનો ગંભીર આરોપ છે. શમા પરવીન મૂળ ઝારખંડની રહીશ છે અને બેંગલુરુમાં રહેતી હતી. એટીએસના જણાવ્યા મુજબ તે ઓનલાઇન આતંકવાદી ઢાંચાનો મહત્વનો ભાગ હતી.
બી.કોમ. પછી દેશવિરુદ્ધ પ્રવૃત્તિઓમાં સામેલ
શમા પરવીનનો શૈક્ષણિક ઇતિહાસ તો સામાન્ય છે – તેણે બી.કોમ. સુધી અભ્યાસ કર્યો છે. પણ અભ્યાસ બાદ તેણે જે માર્ગ પસંદ કર્યો તે રાષ્ટ્રદ્રોહી હતો. એ સતત ઈન્ટરનેટ અને સોશ્યલ મિડિયા દ્વારા ઉગ્રપંથી વિચારધારાનું પ્રસાર કરતી હતી.
ફેસબુક અને ઈન્સ્ટાગ્રામથી ઉગ્રપંથી વિચારોનો પ્રસાર
એટીએસના જણાવ્યા અનુસાર, શમા પરવીન પાસે બે ફેસબુક એકાઉન્ટ અને એક ઇન્સ્ટાગ્રામ હતું. આ એકાઉન્ટો પરથી તે હિંસા અને ધર્મના આધારે ભારતવિરુદ્ધ વિચારોને પ્રચારિત કરતી હતી. તેની ઇન્સ્ટાગ્રામ પ્રોફાઈલ પર ૧૪ હજારથી વધુ ફોલોઅર્સ હતા.
#WATCH | Ahmedabad: Gujarat ATS arrested a woman, Shama Parveen (30) from Bengaluru, who was associated with Al Qaeda.
ATS DIG Sunil Joshi says, “… On 22 July, four accused were arrested who were associated with Al Qaeda. During the interrogation of these terrorists, we got to… pic.twitter.com/oyqJdeO8v5
— ANI (@ANI) July 30, 2025
આતંકવાદીઓની પૂછપરછ બાદ ખુલાસો
૨૨ જુલાઈએ ચાર આતંકવાદીઓને પકડ્યા બાદ શમા પરવીનનું નામ બહાર આવ્યું. પકડાયેલા આતંકવાદીઓની પૂછપરછ દરમિયાન માહિતી મળી કે શમા આની એક મુખ્ય કડી છે. ત્યારબાદ તે ગુપ્ત દેખરેખ હેઠળ રાખવામાં આવી અને બેગલુરુથી ઝડપી લેવામાં આવી.
પાકિસ્તાન સાથે સંપર્ક અને દેશદ્રોહી પ્રવૃત્તિ
શમા વોટ્સએપના માધ્યમથી પાકિસ્તાનના લોકો સાથે સંપર્કમાં હતી. એ પોતે બહાર બહુ જ ઓછું જતી , પણ ઘરથી જ ઊગ્રપંથી પ્રવૃત્તિઓ ચલાવતી. તે વીડિયો, લખાણો અને ભાષણો મારફતે દેશવિરુદ્ધ હતી.
ઉત્કૃષ્ટ તકનીકી તપાસ બાદ ધરપકડ
શમા પરવીનની માહિતી ગુજરાત એટીએસની તકનીકી ટીમે શોધી કાઢી હતી. તેની ધરપકડ માટે કેન્દ્ર અને સ્થાનિક પોલીસે સહયોગ આપ્યો હતો. તે બેંગલુરુના આરટી નગર વિસ્તારમાં રહેતી હતી. શમાએ પુષ્ટિ કરી છે કે તે દેશવિરુદ્ધ ગતિવિધિઓ સાથે જોડાયેલ છે.
વધુ પૂછપરછ બાદ ખુલાસાની આશા
હાલમાં તેની ધરપકડ અમદાવાદ લાવવામાં આવી છે અને રિમાન્ડ લઈ વધુ પૂછપરછ કરવામાં આવશે. એ કઈ રીતે ભ્રમિત થઈ અને કોના કનેક્શનમાં આવી તેની તપાસ ચાલુ છે. શમા જુદી જુદી સામગ્રી, વિદ્વેષભર્યા વિડિયો અને ઉગ્રપંથી પ્રવૃત્તિઓ ફેલાવતી હતી – જે ભારતની શાંતિ અને એકતાને ખંડિત કરે છે.
