ધોરણ 12 સાયન્સ પછી AI અને રોબોટિક્સમાં બનાવો કરિયર, જાણો 5 બેસ્ટ શોર્ટ-ટર્મ કોર્સ

માત્ર 6 મહિનાના આ કોર્સ તમને અપાવશે આઈટી કંપનીઓમાં શાનદાર એન્ટ્રી

12માં ધોરણની બોર્ડની પરીક્ષાઓ પૂરી થતા જ વિદ્યાર્થીઓ અને વાલીઓ વચ્ચે સૌથી મોટી ચર્ચા એ વાતને લઈને શરૂ થાય છે કે હવે આગળ શું કરવું? સાયન્સ પ્રવાહના વિદ્યાર્થીઓ માટે પરંપરાગત રીતે બે જ રસ્તા સૌથી મોટા માનવામાં આવે છે—એન્જિનિયરિંગ (IIT/JEE) અથવા મેડિકલ (NEET). પરંતુ સત્ય એ છે કે આજના ગ્લોબલ ઇકોનોમી અને ટેકનોલોજીના યુગમાં માત્ર લાંબી ડિગ્રી જ સફળતાની ગેરંટી નથી.

જો તમે એવા વિદ્યાર્થીઓમાંથી એક છો જે 4-5 વર્ષના લાંબા અભ્યાસને બદલે થોડા જ મહિનાઓમાં કોઈ પ્રોફેશનલ સ્કિલ શીખવા માંગો છો અથવા તમારી મુખ્ય ડિગ્રીની સાથે પ્રોફાઇલને મજબૂત બનાવવા માંગો છો, તો શોર્ટ-ટર્મ કોોર્સ (Short-term Courses) તમારા માટે ‘ગેમ-ચોન્જર’ સાબિત થઈ શકે છે.

ચાલો જાણીએ 12મું સાયન્સ પછીના એવા 5 શ્રેષ્ઠ કોોર્સ વિશે, જે તમને કરિયરની ફાસ્ટ લેન પર લઈ જઈ શકે છે.

1. ક્લિનિકલ રિસર્ચમાં ડિપ્લોમા (Diploma in Clinical Research)

સાયન્સના એવા વિદ્યાર્થીઓ જેમને બાયોલોજી અને મેડિસિનમાં રસ છે પરંતુ ડોક્ટર બનવા માંગતા નથી, તેમના માટે આ કોર્સ આશીર્વાદ સમાન છે.

કેરળમાં આજથી ચોમાસાનું સત્તાવાર આગમન, દેશના ૧૨ રાજ્યોમાં ભારે વરસાદની આશંકા

હવે 10 વર્ષથી વધુ સમય નહીં મળે! જાણી લો MBBS પાસ કરવાનો નવો સરકારી નિયમ

• કોર્સનો સાર: ક્લિનિકલ રિસર્ચમાં નવી દવાઓ, રસીઓ (Vaccines) અને તબીબી ઉપકરણોના મનુષ્યો પર પરીક્ષણની પ્રક્રિયા શીખવવામાં આવે છે. કોઈ પણ દવા બજારમાં આવતા પહેલા કેવા કડક સુરક્ષા માપદંડોમાંથી પસાર થાય છે, તે આ કોર્સનો મુખ્ય ભાગ છે.

• અવધિ: આ કોર્સ સામાન્ય રીતે 6 મહિનાથી 1 વર્ષનો હોય છે.

• કરિયર: ફાર્માસ્યુટિકલ કંપનીઓ, CRO (Contract Research Organization) અને મોટી હોસ્પિટલોમાં ક્લિનિકલ રિસર્ચ એસોસિયેટ તરીકે ઊંચા પગારવાળી નોકરીઓ મળે છે.

2. આર્ટિફિશિયલ ઇન્ટેલિજન્સ (AI) અને મશીન લર્નિંગ

આજની દુનિયા ‘સ્માર્ટ’ થઈ રહી છે, અને આ સ્માર્ટનેસ પાછળ AI નો હાથ છે. જો તમને ગણિત અને લોજિક ગમે છે, તો આ ફિલ્ડ તમારા માટે સોનાની ખાણ છે.

• કોર્સનો સાર: આ શોર્ટ-ટર્મ સર્ટિફિકેટ કોર્સમાં વિદ્યાર્થીઓને અલ્ગોરિધમ, ડેટા પેટર્ન અને ઓટોમેશનના બેઝિક્સ શીખવવામાં આવે છે. તમે એ શીખો છો કે કમ્પ્યુટર કેવી રીતે માણસોની જેમ વિચારી શકે છે.

• ફાયદો: આઈટી સેક્ટરમાં AI પ્રોફેશનલ્સની માંગ સપ્લાય કરતા ઘણી વધારે છે. આ કોર્સ પછી તમે ટેક કંપનીઓમાં જુનિયર ડેવલપર કે ડેટા એનાલિસ્ટ તરીકે તમારી જગ્યા બનાવી શકો છો.

3. ઇન્ટરનેટ ઓફ થિંગ્સ (IoT) અને રોબોટિક્સ

શું તમે ક્યારેય વિચાર્યું છે કે તમારો ફોન ઘરના AC કે ફ્રિજને કેવી રીતે કંટ્રોલ કરી લે છે? આ જ IoT છે. રોબોટિક્સ સાથે મળીને તે દુનિયાનું ભવિષ્ય બદલી રહ્યું છે.

• કોર્સનો સાર: આમાં સેન્સર ટેકનોલોજી, માઇક્રો-કંટ્રોલર્સ અને મશીનોને ઈન્ટરનેટ સાથે જોડવાની કળા શીખવવામાં આવે છે. આ સંપૂર્ણપણે પ્રેક્ટિકલ અને ‘હેન્ડ્સ-ઓન’ લર્નિંગ વાળો કોર્સ છે.

• સ્કોપ: ઓટોમોબાઈલ, મેન્યુફેક્ચરિંગ અને સર્જરી જેવા ક્ષેત્રોમાં પણ રોબોટિક્સ એક્સપર્ટ્સની જરૂરિયાત વધી રહી છે.

4. રિન્યુએબલ એનર્જી સર્ટિફિકેટ કોર્સ (Renewable Energy)

ગ્લોબલ વોર્મિંગ અને ઉર્જા સંકટને કારણે દુનિયા હવે કોલસા અને પેટ્રોલથી હટીને સોલર અને વિન્ડ એનર્જી તરફ વળી રહી છે. આ માત્ર પરોપકારી કામ નથી, પરંતુ એક ખૂબ જ મોટું બિઝનેસ સેક્ટર પણ છે.

• કોર્સનો સાર: આ કોર્સમાં સોલર પેનલ ઇન્સ્ટોલેશન, વિન્ડ ટર્બાઇનનું વર્કિંગ અને ક્લીન એનર્જી મેનેજમેન્ટ વિશે શીખવવામાં આવે છે.

• કરિયર: સરકારના ‘ગ્રીન એનર્જી મિશન’ ને કારણે આ ક્ષેત્રમાં ટેકનિશિયન અને સલાહકારોની ભારે અછત છે. ઓછા સમયમાં આત્મનિર્ભર બનવા માટે આ કોર્સ શ્રેષ્ઠ છે.

5. ડેટા એનાલિટિક્સ (Data Analytics)

“ડેટા એ નવું સોનું છે.” આજે દરેક નાની-મોટી કંપની પોતાના ગ્રાહકોને સમજવા માટે ડેટાનો સહારો લે છે.

• કોર્સનો સાર: આ કોર્સમાં તમે રો-ડેટા (Raw Data) ને વ્યવસ્થિત કરવાનું અને તેમાંથી કામની માહિતી કાઢવાનું શીખો છો. આમાં આંકડાશાસ્ત્ર (Statistics) અને કમ્પ્યુટર ટૂલ્સનું શ્રેષ્ઠ મિશ્રણ હોય છે.

• માર્કેટ વેલ્યુ: ઈ-કોમર્સ (જેમ કે Amazon), બેંકિંગ અને હેલ્થકેર સેક્ટરમાં ડેટા એનાલિસ્ટને ખૂબ ઊંચું સન્માન અને પેકેજ આપવામાં આવે છે.

શા માટે શોર્ટ-ટર્મ કોોર્સ જ પસંદ કરવા? (Why Short-Term Courses?)

1. સ્કિલ પર ફોકસ: લાંબી ડિગ્રીમાં અવારનવાર થીયરી વધુ હોય છે, પરંતુ આ કોોર્સમાં તમને સીધું જ તે શીખવવામાં આવે છે જેની ઇન્ડસ્ટ્રીને જરૂર છે.

2. ઓછી કિંમત: એન્જિનિયરિંગ કે મેડિકલની લાખોની ફીની સરખામણીમાં આ કોોર્સ ઘણા સસ્તા હોય છે.

3. ઝડપી કમાણીની તક: તમે 12મું પાસ કર્યાના માત્ર એક વર્ષની અંદર નોકરી મેળવવાને લાયક બની જાવ છો.

4. ભવિષ્યની જરૂરિયાત: આ કોોર્સ ‘ફ્યુચર-પ્રૂફ’ છે. એટલે કે આવનારા 20 વર્ષોમાં આ જ ટેકનોલોજીનો દબદબો રહેશે.

12મું સાયન્સ પછીનો રસ્તો માત્ર એક કે બે ગલીઓ સુધી સીમિત નથી. આજની દુનિયા કૌશલ્ય (Skills) ની કદર કરે છે, માત્ર ડિગ્રીની નહીં. જો તમે તમારી રુચિ ઓળખીને આ આધુનિક શોર્ટ-ટર્મ કોોર્સમાંથી કોઈ એક પસંદ કરો, તો તમે માત્ર ભીડથી અલગ નહીં દેખાઓ પણ કરિયરની રેસમાં બીજાથી ઘણા આગળ નીકળી જશો.

કર્ણાટકના નવા મુખ્યમંત્રી બન્યા ડી.કે. શિવકુમાર: રાહુલ ગાંધી અને ખડગેની હાજરીમાં લીધા શપથ

‘આત્મનિર્ભર ભારત’ તરફ વધુ એક ડગલું: નૌસેના ખરીદશે ખાસ મિની સબમરીન, સમુદ્રમાં મારકોસ કમાન્ડો રહેશે વધુ ઘાતક