‘કેપ્ટન તરીકે 750 થી વધુ રન…’: સુનિલ ગાવસ્કરે શુભમન ગિલને પોતાના કરતા શ્રેષ્ઠ ગણાવ્યો, જાણો કારણ શું હતું
ભારતીય ક્રિકેટના દિગ્ગજ અને પૂર્વ ઓપનર સુનિલ ગાવસ્કરે ભારતીય ટીમના વર્તમાન કપાસાન શુભમન ગિલની ખુલ્લે દિલથી પ્રશંસા કરી છે. ઇંગ્લેન્ડ સામેની પાંચ ટેસ્ટ મેચોની શ્રેણીમાં ગિલે 754 રન બનાવ્યા છે, જે તેમનું અત્યાર સુધીનું શ્રેષ્ઠ પ્રદર્શન છે. ગિલના આ શાનદાર પ્રદર્શન બાદ, ગાવસ્કરે કહ્યું કે ગિલે કેપ્ટન તરીકે પોતાની ટીમને જીત તરફ દોરી છે અને એ શક્ય છે કે તે મારા કરતા વધુ શ્રેષ્ઠ હોય.
ગાવસ્કરે પોતાની પ્રતિસાદમાં ખાસ ઉલ્લેખ કર્યો કે, “કેપ્ટન તરીકે 750 થી વધુ રન બનાવવાં એ કોઈ સામાન્ય વાત નથી.” તેમણે ઉમેર્યું કે જ્યારે તે પોતે રમતતો હતો ત્યારે ટીમમાં તેમનું સ્થાન નક્કી નહોતું, તેથી નિષ્ફળતા બદલ કોઈ મોટી જવાબદારી નહોતી. પરંતુ ગિલે કમાન સંભાળીને ટીમને સંઘર્ષથી બહાર કાઢ્યું છે.
શ્રેણી દરમિયાન ગિલનું પ્રદર્શન
શ્રેણીની શરૂઆતથી જ ગિલે શાનદાર ફોર્મ દર્શાવ્યું હતું. પ્રથમ ટેસ્ટની પ્રથમ ઇનિંગમાં તેણે 147 રન બનાવ્યા હતા. બીજી ટેસ્ટમાં તેણે બંને ઇનિંગમાં અનુક્રમે 269 અને 161 રન નોંધાવ્યા હતા. આ રીતે માત્ર ત્રણ ટેસ્ટમાં જ તેણે મોટો સ્કોર ઊભો કર્યો હતો. જો કે આખી શ્રેણી દરમિયાન 754 રન સાથે તે સુનિલ ગાવસ્કરના 774 રનના રેકોર્ડને તોડી શક્યો નથી, પરંતુ તેણે પોતાની આગવી છાપ ચોક્કસ છોડી છે.
ગાવસ્કરની સહીવાળી કેપની ભેટ
ગાવસ્કરે પોતાની ખાસ કેપ ગિલને ભેટ આપતાં જણાવ્યું કે, “હું આ કેપ બહુ ઓછા લોકોને આપું છું.” આ વ્યક્તિગત ભેટ અને પ્રશંસા દર્શાવે છે કે સુનિલ ગાવસ્કર ગિલના અભિગમ, કુશળતા અને લીડરશીપથી ઘણાં પ્રભાવિત થયા છે.
કેપ્ટન તરીકે ડોન બ્રેડમેન પછી
શુભમન ગિલ હવે ટેસ્ટ શ્રેણી દરમિયાન કેપ્ટન તરીકે સૌથી વધુ રન બનાવનાર ખેલાડીઓમાં બીજું સ્થાન ધરાવે છે. પ્રથમ ક્રમે છે ઓસ્ટ્રેલિયાના દિગ્ગજ સર ડોન બ્રેડમેન. ગિલ માટે આ કેપ્ટન તરીકેની પહેલી શ્રેણી રહી છે અને તેણે પોતાની બેટિંગ તથા નેતૃત્વ ક્ષમતાથી સૌનું ધ્યાન ખેંચ્યું છે.
હવે જોવાનું એ છે કે શું ભારત ગિલની કેપ્ટનશીપમાં શ્રેણી ડ્રો કરવા માટે પાંચમી ટેસ્ટ જીતી શકે છે?
