સુરત : ચા ની બંધ દુકાન માં મોડીરાત્રે તસ્કરો ત્રાટકયા

સુરતમાં  એક બંધ ચા ની દુકાનમાં મોડી રાત્રે પ્રવેશેલા ચોર શખ્સે ઠંડે કલેજે રુપિયા પંદર હજારની ચોરીની ઘટનાને અંજામ આપ્યો હતો….જો કે ચોર શખ્સની આ હરકત દુકાનની અંદર અને બહાર રહેલ સીસીટીવી કેમેરામાં આબાદપણે કેદ  થઈ ગઈ હતી…..
સુરતના ઉધના વિસ્તારમાં આવેલ કાઠીવાડી ટી  સેન્ટરમાં મંગળવારની મોડી રાત્રે અજાણ્યા ચોર શખ્સે પ્રવેશ કર્યો હતો….ચોર શખ્સે ડુપ્લીકેટ ચાવી વડે દુકાનના શતરને મારેલ લોક ખોલી અંદર પ્રવેશ મેળવ્યો હતો….દુકાનમાં લાગેલા સીસીટીવી કેમેરાથી પરિચિત આ ચોર શખ્સે પોતાનો ચહેરો પણ સંતાડી રાખ્યો હતો….દુકાનમાંથી રોકડા રૂપિયા ,સિગારેટ સહિત નો સામાન મળી કુલ પંદર હજારની મત્તાનો હાથફેરો કરી આ શખ્સ પળભરમાં રફુચક્કર થઈ ગયો હતો….પરંતુ ચોરી કરતા પહેલા તેની તમામ ગતિવિધિ સીસીટીવી કેમેરામાં કેદ થઈ ગઈ હતી…..સૌ પ્રથમ તો સીસીટીવી કેમેરામાં દેખાતો આ શખ્સ દુકાન બહાર રેકી કરે છે….ત્યારબાદ મોકો જોઈ પોતાની પાસે રહેલી ડુપ્લીકેટ ચાવી વડે શતરને મારેલ તાળું ખોલે છે…આખરમાં તાળું ખોલ્યા બાદ અંદર ઘુસી ચોરીની ઘટનાને અંજામ આપે છે…..ચોરી કર્યા બાદ સીસીટીવી ના ડિવિઆરની સ્વીચ પણ ચોર શખ્સ બંધ કરી ત્યાંથી ફરાર થઈ જતો હોવાનું સ્પષ્ટ સામે આવ્યું  છે….જો કે ઉધના વિસ્તારમાં બનેલી ચોરીની આ ઘટના મામલે દુકાન માલિક તરફથી કોઈ પણ પોલીસ ફરિયાદ નોંધાવવામાં નથી આવી…..જેના કારણે  આવા દુકાન માલિકોની લાપરવાહીના લીધે  ચોર ટોળકીઓને મોકળું મેદાન મળતું હોવાની ચર્ચાઓ હાલ ઉઠવા પામી છે….