સુરત મહાનગરપાલિકાની સીટી બસમાં કંડક્ટર સપ્લાય કરનારી એજન્સી દ્વારા કરવામાં આવતી ગેરરીતિને કારણે મહાનગરપાલિકાની કરોડો રૂપિયાનો ફટકો લાગ્યો છે. આ અંગેની ફરિયાદ છતાં પણ ગેરરીતિ નહીં અટકતા કંડક્ટર સપ્લાય કરનારી એજન્સીને બ્લેકલિસ્ટ કરવાની માગણી થઈ રહી છે. સુરત મહાનગરપાલિકા સંચાલિત સિટી બસમાં છેલ્લા ઘણા વખતથી મુસાફરો પાસેથી પૈસા લઈ લીધા હોવાની ફરિયાદ થઈ રહી છે. કોંગ્રેસના કોર્પોરેટર આ અંગે પુરાવા સાથે રજૂઆત કર્યા બાદ મહાનગર પાલિકા તંત્ર જાગ્યું છે. સુરત સીટી લિંક વિજિલન્સ ટીમે છેલ્લા આઠ દિવસમાં ચાર એજન્સી પાસે 17 લાખનો દંડ વસુલ કર્યો છે. મહાનગરપાલિકા સંચાલિત સિટી બસમાં કંડક્ટર સપ્લાય કરનાર સુકાની એચ. આર. મેનેજમેન્ટ વિશ્વ એન્ટરપ્રાઇઝ મહેસાણા, આકાર મેનેજમેન્ટ અને એમ. જે. સોલંકી નામની એજન્સી સામે લાંબા સમયથી ફરિયાદ થઇ રહી છે. આ ફરિયાદ બાદ તપાસમાં એજન્સીના કંડક્ટર દ્વારા કરવામાં આવતી ગેરરીતિ બહાર આવી છે. મહાનગરપાલિકા દ્વારા સમયાંતરે આ ગેરરીતિ બદલ દંડ પણ કરવામાં આવે છે. તેમ છતાં કામગીરીમાં સુધારો આવતો નથી અને ફરિયાદમાં સતત વધારો થઈ રહ્યો છે. મુસાફરો પાસેથી પૈસા લઇને ટિકિટ ન અપાતી હોવાથી મહાનગરપાલિકાને કરોડો રૂપિયાનો ચૂનો લાગી રહ્યો છે. વારંવાર ફરિયાદ અને દંડ છતાં પણ એજન્સીની કામગીરીમાં કોઈ સુધારો ન થતા બ્લેકલિસ્ટ કરવાની માગણી મ્યુનિસિપલ કમિશનર સમક્ષ કરી છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.