ગઈ કાલે અઠવાલાઈન્સ ખાતે આવેલી સેવન્થ ડે સ્કૂલમાં ફી વધારાનો વાલીઓ દ્વારા વિરોધ કરવામાં આવી રહ્યો છે. જેમાં આજે વાલીઓ દ્વારા અનોખું અભિયાન શરૂ કરવામાં આવ્યું છે. આજે વાલીઓ સ્કૂલ બહાર એકઠાં થયા હતા. અને વિદ્યાર્થીઓને સ્કૂલમાં ન જવા માટે હાથ જોડીને અપીલ કરી હતી.
સેવન્થ ડે સ્કૂલમાં ફીમાં 5થી 8 હજાર જેટલો વધારો કરવામાં આવતા વાલીઓમાં રોષ ફેલાયો છે. ગત રોજથી શરૂ થયેલો વિરોધ આજે પણ યથાવત રહ્યો છે. આજે મોટી સંખ્યામાં વાલીઓને જાગૃત કરવા અભિયાનનું આયોજન કરવામાં આવ્યું છે. અને વિદ્યાર્થીઓને સ્કૂલમાં ન જવા માટે હાથ જોડી અપીલ કરવામાં આવી હતી. મોટાભાગના વાલીઓ આ અભિયાનમાં જોડાતા સ્કૂલ તંત્ર એલર્ટ થઈ ગયું છે. સ્કૂલ બહાર મોટી સંખ્યામાં વાલીઓનો જમાવડો થઈ જતા ટ્રાફિકજામ સર્જાયો હતો.
સ્કૂલ તંત્ર દ્વારા પોલીસ બોલાવાતા મામલો ફરી ગરમાયો હતો. વાલીઓએ જણાવ્યું હતું કે, ફી ભરવા બેંકમાંથી લોન લેવી પડે તેવી ફી વધારા સામે લડી રહ્યા છીએ. અમે અપરાધી નથી. ન્યાય માટે શાંતિપૂર્ણ લડત આપી રહ્યા છીએ. દરમિયાન એક શિક્ષક સાથે બોલાચાલી પણ થઈ હતી. અને વાલીએ તમાચો પણ માર્યો હોવાનું જાણવા મળ્યું છે