સુરત કસ્ટમ વિભાગે સુરત એરપોર્ટ પરથી સોનાની દાણચોરી કરતા શખ્સને ઝડપી પાડ્યો છે.આ શખ્સે શરીરના ગુપ્તાંગમાં સોનું છૂપાવ્યું હોવાનું બહાર આવતા અધિકારીઓ પણ ચોંકી ઉઠયા હતા.
સુરત-શારજાહ ફ્લાઈટ આજે સુરત ખાતે લેન્ડ થઈ તો કસ્ટમ વિભાગને એક શખ્સ પર શંકા ગઈ. લાઈવ ડિટેક્ટર ટેસ્ટમાં શખ્સના શરીરના ગુપ્ત ભાગમાં સોનું છુપાવ્યું હોવાનું માલમ પડતા તરત જ તેની ધરપકડ કરવામાં આવી હતી. ધરપકડ કરાયેલા શખ્સનું નામ ઈમ્તીયાઝ મેમણ હોવાનું જાણવા મળી રહ્યું છે અને તે સુરતનો જ રહીશ છે. આજ સવારે ઈમ્તીયાઝ શારજાહ-સુરત ફ્લાઈટમાં બેઠો હતો અને સુરત ખાતે સોના સાથે ઝડપાઈ જવા પામ્યો હતો.
ઈમ્તીયાઝના ગુપ્ત ભાગમાંથી સોનુ કાઢવા માટે તેને સુરતની સિવિલ હોસ્પિટલ ખાતે લઈ જવામાં આવ્યો છે, જ્યાં તેના પણ નાનકડી સર્જરી કરી સોનું બહાર કાઢવામાં આવશે.
