લસકાણા ગામે ભાડાના મકાનમાં રહેતી 14 વર્ષની તરૂણી એક યુવકના પ્રેમમાં થોડા દિવસ અગાઉ ઘરેથી ભાગી ગઈ હતી. સરથાણા પોલીસે યુવક સામે અપહરણનો ગુનો દાખલ કર્યો હતો. સરથાણા પોલીસે ગણતરીના દિવસોમાં આ પ્રેમી પંખીડાને શોધી કાઢી પોલીસ મથકમાં લાવી પૂછપરછ શરૂ કરી હતી. તરૂણીએ પોલીસ સમક્ષ કેફિયત રજૂ કરતાં પોલીસ પણ ચોંકી ઊઠી હતી.
14 વર્ષની તરૂણીના કહેવા મુજબ, તેના પિતા અને ભાઈએ ચારેક મહિના પહેલા રાત્રે દુષ્કર્મ આચર્યું હતું. તરૂણીની માતાનું અવસાન થયું છે અને તે મજૂરીકામ કરી ગુજરાન ચલાવતાં પિતા અને ભાઈ સાથે રહેતી હતી. આ હતાશાભર્યા સંજોગોમાં તેને યુવકનો સહારો મળતાં એ તેના પ્રેમમાં ઘર છોડીને નાસી છુટી હતી. સરથાણા પોલીસે દુષ્કર્મનો ગુનો નોંધીને તરૂણીના પિતા અરવિંદ અને 19 વર્ષીય ભાઈ રવિની ધરપકડ કરી છે. પોલીસે તરૂણીને નારીગૃહમાં મોકલી વધુ કાર્યવાહી શરૂ કરી છે.


Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.