દિવ્યાંગોની ફરિયાદ હવે પોલીસ ઘરે જઈને લેશેઃ સત્કાર સમારોહનો યોજાયો કાર્યક્રમ જુઓ વીડિયો

સુરત શહેર પોલીસ કમિશનરે એક ઐતિહાસીક કહી શકાય તેવો નિર્ણય લીધો છે. આ નિર્ણય ખાસ દિવ્યાંગ સ્ત્રીઓ, તેમજ 15 વર્ષથી ઓછી વયના બાળકો સહિત સિનિયર સીટીઝન માટે લેવામાં આવ્યો છે. સુરતના પીપલોદ સ્થિત આયોજિત દિવ્યાંગ બાળકોની શાળામાં સત્કાર સમારોહ ના કાર્યક્રમમાં પોલીસ કમિશનરે હાજરી આપી અને બાળકોને આ અંગેની સૂચના આપી હતી. એટલું જ નહીં આગામી વર્ષ 2018 ની ધોરણ દસ અને બારની પરીક્ષા અંગે પણ વિધાર્થીઓને પ્રોત્સાહન પૂરું પાડ્યું હતું.
સામાન્ય રીતે હમણાં સુધી કોઈ પણ પ્રકારની ફરિયાદ આપવી હોય તો ,દિવ્યાંગ સ્ત્રીઓ ,15 વર્ષથી ઓછી વયના બાળકો તેમજ સિનિયર સીટીઝન લોકોએ પોલીસ મથકોના દ્વાર ખખડાવવા પડતા હતા ફરિયાદ આપવા માટે પણ પોલીસ મથકોમાં ધરમના ધક્કા ખાવા પડતા હતા છતાં તેઓની યોગ્ય ફરિયાદ લેવામાં આવતી ન હતી.જેના કારણે તેઓ એક મુંઝવણ અનુભવી રહ્યા હતા.પરંતુ હવે દિવ્યાંગ સ્ત્રીઓ,15 વર્ષથી ઓછી વયના બાળકો સહિત સિનિયર સિટીઝનોએ પોલીસ મથકના ચક્કર નહીં લગાવવા પડે, કારણે સુરત પોલીસ કમિશનર સતીશ શર્માએ આ માટે એક ઐતિહાસિક કહી શકાય તેવો નિર્ણય કર્યો છે. સુરત પોલીસ કમિશનર સતીશ શર્માએ આવા તમામ દિવ્યાંગ વ્યક્તિઓ,સ્ત્રીઓ તેમજ 15 વર્ષથી ઓછી વયના બાળકો સહિત સિનિયર સિટીઝનો માટે એક અલગથી સેવા શરૂ કરી છે…..આવા તમામ લોકોની ફરિયાદ પોલીસ હવે તેઓના ઘરે અથવા નિયત કરેલા સ્થળોએ જઇ તેની મુલાકાત લેશે તેવી જાહેરાત કમિશનરે કરી છે. સૂર્યોદય તેમજ સૂર્યાસ્ત દરમ્યાન કોઈ પણ સમયે જો ફરિયાદ હોય ,તો પોલીસ કંટ્રોલ ના 100 નંબર અથવા તો સ્થાનિક પોલીસ મથકના લેન્ડલાઈન નંબર પર આ તમામ લોકો જાણકારી આપી શકે છે. જેથી પોલીસ જાતે તેઓના ઘરે જઈ ફરિયાદ નોંધશે. પોલીસ કમિશનરના આ ઉમદા કાર્યને સુરત ડિસેબલ વેલ્ફેર ટ્રસ્ટ ઓફ ઇન્ડિયાએ બિરદાવ્યો છે. ટ્રસ્ટ દ્વારા આજ રોજ સુરત શહેરના પીપલોદ ખાતે આવેલ દિવ્યાંગ શાળામાં કમિશ્નરનો સત્કાર સમારોહ યોજવામાં આવ્યો હતો. જ્યાં તેમના આ ઉમદા કાર્યને લઈ તેમનું સન્માન કરવામાં આવ્યું હતું. અહીં શાળાના બાળકો દ્વારા સાંસ્કૃતિક કાર્યક્રમ અને સંગીત જેવા કાર્યક્રમો કરી પોલીસ કમિશનર નું સ્વાગત કર્યું હતું. પોલીસ કમિશનર સતીશ શર્માએ આ અંગે બાળકોને તમામ માહિતીઓથી અવગત કરાવ્યા હતા. એટલું જ નહીં સાથે સાથે આગામી માર્ચ 2018 ની બોર્ડની પરીક્ષાને લઈ ધોરણ દસ અને બારના વિધાર્થીઓને મક્કમપણે પરીક્ષા આપવા સૂચન પણ કર્યું હતું…..