CS એક્ઝિક્યુટીવનું પરિણામ જાહેરઃ સુરતી ગર્લ્સનો દેશભરમાં ત્રીજો રેન્ક

ધ ઈન્સ્ટીટ્યુટ ઓફ કંપની સેક્રેટરીઝ દ્વારા લેવાયેલી પરીક્ષાના પરિણામ રવિવારના રોજ જાહેર થયા હતા. જેમાં સુરત ચેપ્ટરમાંથી કુલ 243 સ્ટુડન્ટસે પરીક્ષા આપી હતી.જેમાંથી 11 સ્ટુડન્ટસ પાસ થયા હતાં. આ પાસ થયેલા 11 સ્ટુડન્ટસમાંથી પૈકીના 4 સ્ટુડન્ટસ દેશ લેવલે ટોપ 25માં સ્થાન પ્રાપ્ત કર્યું છે. જેથી સુરત ચેપ્ટર દ્વારા ખુશીની સાથે હર્ષની લાગણી વ્યક્ત કરવામાં આવી રહી છે.
ધી ઇન્સ્ટિટ્યૂટ ઓફ કંપની દ્વારા લેવાયેલી પરીક્ષામાં ઝળહળતું પરિણામ પ્રાપ્ત કરનાર અને સમગ્ર ભારતમાં ત્રીજો સ્થાન મેળવનાર હની ગજ્જરેસત્ય ડે ડોટ કોમ સાથેની વાતચીતમાં જણાવ્યું હતું કે, તેણીએ થિયરીની સાથે સાથે તમામ બાબતોને પ્રેક્ટિકલી યાદ રાખતી હતી. રોજના વાંચનની સાથે સાથે મળતાં માર્ગદર્શનનો પણ તેમાં તે ઉપયોગ કરતી હતી. ઘર અને શિક્ષકો દ્વારા મળતી માહિતીના આધારે તેણીએ આ સિધ્ધિ મેળવવામાં સફળતા મેળવી હતી. તેમની સફળતા પાછળ હનીએ માતા-પિતા પરિવાર અને શિક્ષકોને શ્રેય આપ્યો હતો.
સુરતમાં રહેતી હનિ ગજ્જરનો ઓલ ઈન્ડિયામાં ત્રીજો રેન્ક આવ્યો હતો. જ્યારે સુરત ચેપ્ટરમાં તેણીનો પ્રથમ રેન્ક આવ્યો હતો. ધી ઇન્સ્ટિટ્યૂટ ઓફ કંપની દ્વારા લેવાયેલી પરીક્ષામાં હની ગજ્જરે કુલ 467 જેટલા માર્ક્સ મેળવી દેશમાં ત્રીજો રેન્ક પ્રાપ્ત કર્યો હતો. સાથે જ સ્વિટી હરિશકુમાર જૈનનો ઓલ ઈન્ડિયામાં 19મો રેન્ક અને સુરતમાં બીજો રેન્ક છે. જ્યારે સાહિલ ગિરીશ મક્કરનો ઓલ ઈન્ડિયામાં 20મો રેન્ક અને સુરતમાં ત્રીજો રેન્ક છે. સાથે જ હિરલ જ્યોતિ પ્રકાશ ગુપ્તાનો ઓલ ઈન્ડિયા ખાતે 22મો રેન્ક છે. અને સુરતમાં ચોથો રેન્ક આવ્યો છે. તમામને સુરત ચેપ્ટર દ્વારા અભિનંદન પાઠવવામાં આવ્યાં હતાં.
સુરત ની હની ગજ્જરે દેશભરમાં ત્રીજો રેન્ક મેળવી સુરત સહિત દેશનું નામ ઉજ્જવળ કરી બતાવ્યું છે. જે સુરત અને ભારત માટે ગૌરવ સમાન બાબત ગણી શકાય છે. હની ગજ્જરની આ સિદ્ધિઓ બદલ તેણીનો પરિવાર પણ હર્ષની લાગણી અનુભવી રહ્યું છે.ત્યારે હની ગજ્જરે ભવિષ્યમાં સીએ ની સાથે અન્ય ડીગ્રી પ્રાપ્ત કરવાનો દાવો કર્યો છે.