સુરતમાં લોકડાઉનનો કડક અમલ : સાત હજાર વાહનો ડિટેઇન કરાયા

કોરોના વાયરસ ના કારણે સમગ્ર દેશભરમાં ૨૧ દિવસનું લોક ડાઉન આપવામાં આવ્યું છે.આજે લોક ડાઉન નો પંદર મો દિવસ છે અને છેલ્લા પંદર દિવસ દરમ્યાન સુરત શહેર પોલીસ દ્વારા આશરે ૭ હજારથી વધુ વાહનો ડિટેઇન કરવામાં આવ્યા છે.બિનજરૂરી રીતે બહાર નીકળતા લોકો સામે શહેર પોલીસ દ્વારા કડક હાથે કાર્યવાહી કરવામાં આવી રહી છે.જ્યારે સોસાયટીઓ માં ટોળું વળી ભેગા થતા લોકો સામે પણ ગુના દાખલ કરવામાં આવી રહ્યા છે.ડ્રોન કેમેરા ના  માધ્યમથી પ્રતિદિવસ દસ જેટલા ગુના લોક ડાઉન નો ભંગ કરનારા સોસાયટીઓમાં ભેગા થતા ટોળા સામે નોંધવામાં આવી રહ્યા છે. સુરતમાં લોક ડાઉન નો આજે પંદર મો દિવસ છે અને લોકો દ્વારા હાલ સારો સાથ-  સહકાર અને સહયોગ શહેર પોલીસને આપવામાં આવી રહ્યો છે.જો કે કેટલાક લોકો એકલ- દોકલ માં ઘરોની બહાર બિનજરૂરી રીતે નીકળી રહ્યા છે.જે લોકો સામે શહેર પોલીસ દ્વારા કડક કાર્યવાહી કરવામાં આવી રહી છે.સુરત પોલીસ દ્વારા હમણાં સુધી આશરે ૭ હજાર જેટલા વાહનો ડિટેઇન કરવામાં આવ્યા છે.જ્યારે બિનજરૂરી રીતે બહાર નીકળતા લોકો પાસેથી દંડની વસૂલાત કરવામાં આવી રહી છે.જાહેરનામાના  ભંગની 304 ફરિયાદ નોંધાઇ છે.જ્યાં ૪૭૯ લોકોની ધરપકડ કરવામાં આવી છે.અત્યાર સુધી જાહેરનામા ભંગની 1840 ફરિયાદો નોંધાઇ છે.જેમાં 3118 લોકોની ધરપકડ કરાઈ..ટેકનિકલ સર્વેલન્સ થી 501 લોકોની ધરપકડ કરવામાં આવી છે.બિનજરૂરી વાહન લઇને ફરનારા ઓના ૧૫૪૦ વાહનો ડિટેઇન કરવામાં આવ્યા છે, અત્યાર સુધી કુલ 7464 વાહનો કબજે કરાયા છે.