સુરત ગુજરાત વિધાનસભાની ચૂંટણીમાં 15 બેઠકમાંથી 12 પર ભાજપની જીત

સુરત ગુજરાત વિધાનસભાની ચૂંટણીમાં 15 બેઠકમાંથી 12 પર ભાજપની જીત થઈ છે. જ્યારે અેક બેઠક પર કોંગ્રેસે કબ્જો મેળવ્યો હતો. દક્ષિણ ગુજરાતમાં અા વખતની ગુજરાત વિધાનસભાની ચૂંટણી ખુબજ રસાકસી પૂર્ણ રહી છે. વરાછા પાટીદારોની બહુમતી ધરાવે છે અા બેઠક પર પાટીદાર વિરૂદ્ધ પાટિદારની ટક્કર હતી. અા બેઠક પર કુમાર કાનાણીએ જંગી બહુમતી મેળવી હતી. તેમની સામે ધીરૂભાઈ ગજેરાની કારમી હાર થઈ છે. કત્તારગામમાં વિનુભાઈ કરડિયા જીત્યા હતા તો ઓલપાડમાં મુકેશ પટેલ જીત્યા હતા.
અા વખતે ભાજપ સામે બહુ મોટા પડકારો હતા. મોંઘવારી, પાટીદાર અાંદોલન અને જીએસટીના કારણે અા વખતે ભાજપને ખુબજ મુશ્કેલી પડી હતી. અેક તરફ કોંગ્રેસ સાથે હાર્દિક પટેલ, અલ્પેશ ઠાકોર અને જિગ્નેશ મેવાણીએ હાથ મીલાવતા ભાજપ માટે દક્ષિણ ગુજરાતમાં બહુમતી મેળવવી થોડી મુશ્કેલ હતી. પાટીદાર અનામત અાંદોલન અામતો ઉત્તર ગુજરાતથી શરૂ થયુ હતુ તે અાંદોલનને સુરતમાં વેગ મળ્યો હતો. સુરત ગુજરાત વિધાનસભાની ચૂંટણીમાં 15 બેઠકમાંથી 12 પર ભાજપે ભવ્ય વિજય મેળવ્યો છે.