સચિન વિસ્તારમાં આવેલ નહેરમાંથી મળી બાળકીની લાશ, દુષ્કર્મની આશંકા વચ્ચે સચિન પોલીસે કરી તપાસ શરૂ: સુરત

લથાણથી ઈકલેરા જતી ખરવાસા નહેરમાથી તણાતી અજાણી 10થી 12 વર્ષની બાળકીનો મૃતદેહ મળી આવ્યો હતો. બાળકીની લાશ મળી આવતા ચકચાર મચી જવા પામી છે. ઘટનાની જાણ થતા સચિન પોલીસનો કાફલો સ્થળ પર દોડી આવ્યો હતો અને બાળકીની લાશનો કબ્જો લઈ પોસ્ટ- મોર્ટમ અર્થે સુરત નવી સિવિલ હોસ્પિટલ ખસેડી આગળની તપાસ શરૂ કરી હતી.
ખરવાસા નહેર પાસેથી પસાર થઈ રહેલા લોકોએ જોયું કે નહેરમાં કોઈ બાળકીનો મૃત દેહ તણી રહ્યો છે. બાળકીની ઉંમર આશરે 10 થી 12 વર્ષની હતી. જે અંગે ની જાણકારી સ્થાનિકોએ પોલીસ ને આપી હતી. સચિન પોલીસે ઘટના સ્થળે દોડી જઇ મૃતદેહને પોસ્ટમોર્ટમ અર્થે સિવિલ હોસ્પિટલ ખસેડ્યો હતો. જ્યાં ડોક્ટરના પ્રાથમિક તારણમાં બાળકી જોડે દુષ્કર્મ થયાની આશંકા સેવવામાં આવી રહી છે.
સુરત સિવિલ હોસ્પિટલ ખાતે બાળકીની લાશનું પોસ્ટ- મોર્ટમ કરવામાં આવી રહ્યું છે. જો કે બાળકીની ઓળખ હજુ થઈ શકી નથી. જેથી પોલીસે બાળકીની ઓળખ મેવવાની દિશામાં પણ તપાસ શરૂ કરી છે.. આ સાથે સચિન પોલીસ દ્વારા કાંઠા વિસ્તાર તેમજ પલસાણ, બારડોલી વગેરે વિસ્તારમાં પોલીસે તપાસ હાથ ધરી છે.