પ્રોસ્ટિટ્યૂટના ધંધામાં ધકેલવા માસીએ જ ભાણેજી પર કરાવ્યો બળાત્કારઃ સુરત

શનિવારે પોલીસે એક મહિલાની ધરપકડ કરી લીધી છે. મહિલા પર તેની 15 વર્ષીય ભાણજીને પ્રોસ્ટિટ્યૂટના ધંધામાં ધકેલવા માટે ધમકાવવાનો આરોપ છે. છેલ્લા ત્રણ મહિનામાં મહિલાએ 4 પુરુષને બૂક કરી પોતાની જ ભાણજી પર રેપ કરાવ્યો હતો. એટલું જ નહીં નવેમ્બર 2017માં મહિલાએ પીડિતાનું તેના ઘરેથી જ અપહરણ કરાવડાવી લીધું હતું.
અઠવા પોલીસે 20 વર્ષીય સહાનીની ધરપકડ કરી લીધી છે. સહાની પીડિતાની માસી છે. છોકરીના પરિવારજનોએ અપહરણ થયા બાદ પોલીસ ફરિયાદ નોંધાવી હતી. ભાવેશ, કરણ, રમાકાંત અને શિલુએ સગીરા પર દુષ્કર્મ આચર્યો હતો.
પોલીસ તપાસ દરમિયાન માહિતી મળી કે રેપ 9 નવેમ્બરના રોજ સહાની રેપ પીડિતાના ઘરે ગઇ હતી અને તેને મુંબઇમાં મોટી સ્ટાર બનાવવાની લાલચ આપી હતી. ભાણજીને પોતાના ઘરે લાવી આરોપી માસીએ તેને પ્રોસ્ટિટ્યૂટના ધંધામાં ધકેલવા માટે બળજબરી કરી હતી. સહાનીએ પેમેન્ટ માટે સગીરાને એક શખ્સના ઘરે મોકલી હતી જ્યાં નરાધમે તેના પર દુષ્કર્મ આચર્યો હતો. સહાની કેવી રીતે સેક્સ રેકેટ ચલાવે છે તે અંગે પોલીસ તપાસ કરી રહી છે.
સંડોવાયેલા આરોપીઓમાથી એકના સંબંધીની મદદથી સગીરાએ પોતાના પરિજનોનો કોન્ટેક્ટ કર્યો હતો, બાદમાં પોલીસે પીડિતાને રેસ્ક્યૂ કરી હતી. અઠવા પોલીસ સ્ટેશનના પોલીસ ઇન્સ્પેક્ટર કે.કે. ઝાલાએ કહ્યું કે, “દુષ્કર્મ પીડિતાનું એક્ઝેટ લોકેશન અમને મળતાંની સાથે જ અમે તેને રેસ્ક્યૂ કરી લીધી. આ ધંધામાં કઇ રીતે ધકેલાઇ તે અંગે તેણે અમને સમગ્ર માહિતી આપી છે. મુખ્ય આરોપીની ધરપકડ કરી લેવામાં આવી છે.
આ કિસ્સા બાદ અન્ય કોઇ સગીર ગર્લ ભોગ બની છે કે નહીં તે અંગે તપાસ હાથ ધરવામાં આવી છે. શનિવારે પીડિતાને મેડિકલ એક્ઝામિનેશન માટે લઇ જવામાં આવી હતી, હજુ રિપોર્ટ આવ્યા નથી. અપહરણ બાદ સગીરાએ અનેક વખત તેના પરિજનોને કોન્ટેક્ટ કરવાનો પ્રયત્ન કર્યો હતો પણ તે નાકામ રહી હતી.