દેશમાં ફરી એકવાર પેગાસસ સ્પાયવેરને લઈને ઘણી ચર્ચા થઈ રહી છે. હાલમાં પેગાસસ સ્પાયવેરને લઈને ઘણા ખુલાસા થયા છે જેના કારણે વિપક્ષી પાર્ટીઓ સતત સરકાર પર નિશાન સાધી રહી છે. પાંચ વર્ષ પહેલા ભારત સરકાર દ્વારા ઇઝરાયલ સાથે બે અબજ ડોલરની ડિફેન્સ ડીલ કરવામાં આવી હતી. આ સાથે પેગાસસ સ્પાયવેર પણ ખરીદવામાં આવ્યું હતું. આ સંરક્ષણ સોદામાં ભારતે કેટલાક હથિયારોની સાથે મિસાઈલ સિસ્ટમ પણ ખરીદી હતી.ભારતમાં આ સ્પાયવેર દ્વારા અનેક વિપક્ષી નેતાઓ પત્રકારો અને કાર્યકરોની જાસૂસી કરવામાં આવી હોવાની ચર્ચા છે. આવી સ્થિતિમાં પેગાસસ સ્પાયવેરને લઈને દેશમાં ભારે હલચલ મચી ગઈ છે. આ સ્પાયવેર ખૂબ જ ખતરનાક છે. આની મદદથી વોટ્સએપ જેવી સુરક્ષિત એપ પણ હેક થઈ શકે છે. પેગાસસ એક જાસૂસ સોફ્ટવેર છે.આ સોફ્ટવેર ઈઝરાયેલની કંપની NSO ગ્રુપ દ્વારા બનાવવામાં આવ્યું છે.
તે કોઈપણ ટાર્ગેટ વ્યક્તિના ફોન લેપટોપ કે કોમ્પ્યુટર પર કહ્યા વગર ઇન્સ્ટોલ કરી શકાય છે. ઇન્સ્ટોલ થયા પછી આ સ્પાયવેર તે વ્યક્તિ પર સંપૂર્ણ નજર રાખવાનું શરૂ કરે છે.આ સોફ્ટવેર ઉપકરણનો તમામ વ્યક્તિગત ડેટા ચોરી કરે છે અને તેને તૃતીય પક્ષોને પહોંચાડે છે. આ સ્પાયવેર આતંકવાદીઓ અને ગુનેગારો પર નજર રાખવાના હેતુથી બનાવવામાં આવ્યું હતું.વોટ્સએપના મિસ્ડ કોલ દ્વારા ફોનમાં પેગાસસ સ્પાયવેર ખૂબ જ સરળતાથી ઇન્સ્ટોલ થઈ જાય છે. જ્યારે iPhoneમાં તેને iMessage દ્વારા ઇન્સ્ટોલ કરવામાં આવે છે. એટલું જ નહીં આ સ્પાયવેર એટલો ખતરનાક છે કે તે ઝીરો ક્લિક પદ્ધતિથી ઇન્સ્ટોલ થઈ જાય છે. મતલબ કે તે કોઈપણ લિંક પર ક્લિક કર્યા વિના ઉપકરણમાં આવે છે. મેસેજ ડિલીટ થાય તો પણ તેને ટાળી શકાતો નથી.આ સ્પાયવેર દ્વારા તમારા ફોનમાં હાજર તમામ માહિતી ત્રીજા વ્યક્તિ પાસે જાય છે.તે તમારા ઉપકરણના માઈક અને કેમેરાને ઓટોમેટિકલી ઓન કરી શકે છે.
