સ્માર્ટફોન બનાવનારી દિગ્ગજ એપલે તેની વાર્ષિક વર્લ્ડવાઈડ ડેવલપર્સ કોન્ફરન્સ (WWDC)ની જાહેરાત કરી છે. કંપની આ મેગા ઈવેન્ટ 5 થી 9 જૂન 2023 દરમિયાન ઓનલાઈન ફોર્મેટમાં આયોજિત કરવામાં આવશે. ન્યૂઝ એજન્સી બ્લૂમબર્ગ અનુસાર, આ ઇવેન્ટમાં મિક્સ્ડ રિયાલિટી સાથે હેડસેટ પરથી પડદો હટાવી શકાય છે. આઠ વર્ષ પહેલાં તેની સ્માર્ટવોચ ડેબ્યૂ કર્યા પછી કંપનીની આ પ્રથમ મોટી નવી પ્રોડક્ટ છે.
Appleના ડેવલપર રિલેશન્સના વાઇસ પ્રેસિડેન્ટ સુસાન પ્રેસ્કોટે જણાવ્યું હતું કે, “WWDC23 હજુ સુધીની અમારી સૌથી મોટી અને સૌથી રોમાંચક ઇવેન્ટ બનવા જઈ રહી છે, અને અમે આ ખાસ ઇવેન્ટ માટે તમારી સાથે ઑનલાઇન અને ઑફલાઇન જોડાવા માટે આતુર છીએ!”
આ મોટી જાહેરાતો હોઈ શકે છે
બ્લૂમબર્ગ ન્યૂઝે અહેવાલ આપ્યો છે કે આ વખતે ધ્યાન ફક્ત હેડસેટ પર રહેશે, જે રિયાલિટી વન અથવા રિયાલિટી પ્રો હોઈ શકે છે. તેની સાથે Apple xrOS ઓપરેટિંગ સિસ્ટમ પણ શોકેસ કરી શકાય છે. Apple ઘણા નવા સુધારાઓ અને સુવિધાઓ સાથે iOS 17 ની જાહેરાત કરે તેવી અપેક્ષા છે.
કંપની આ ઇવેન્ટમાં તેના iPhone, iPad, Mac અને Apple Watch ઓપરેટિંગ સિસ્ટમનું આગલું વર્ઝન પણ લોન્ચ કરવાની યોજના બનાવી રહી છે. iOS, macOS, iPadOS, watchOS અને tvOS ઇવેન્ટમાં પ્રદર્શિત થવાની અપેક્ષા છે.
આ સાથે Apple નવા iOS 17ને પણ લોન્ચ કરી શકે છે. આમાં ઘણા નવા ફિચર્સની અપેક્ષા છે. નવા મેક હાર્ડવેરની સાથે, સિલિકોન મેક પ્રો પણ પ્રદર્શિત થવાની સંભાવના છે.
હેડસેટમાં શું ખાસ હશે
હેડસેટને આંખ અને હાથના કોમ્બિનેશન દ્વારા કંટ્રોલ કરી શકાય છે. તેમાં ઓન-બોર્ડ એપ સ્ટોર ફીચર હશે. આ સાથે વર્ચ્યુઅલ રિયાલિટી આધારિત ફેસટાઇમ, કોર એપલ એપ્સના 3D વર્ઝન અને ઇમર્સિવ વિડિયો સ્ટ્રીમિંગ જેવા ફિચર્સ આપવામાં આવશે. Apple પ્રોડક્ટ્સમાં અનેક એક્સટર્નલ કેમેરા હશે.
