BSNL યુઝર્સને મોજે મોજ: ખાનગી કંપનીઓનું ટેન્શન વધશે! એપ્રિલમાં આવી રહી છે મોટી સુવિધા
સરકારી ટેલિકોમ કંપની BSNL નેટવર્કને અપગ્રેડ કરવા અને વિસ્તરણ કરવા માટે ઝડપથી કામ કરી રહી છે. કંપની આગામી છ મહિનામાં તેના સમગ્ર નેટવર્કને સંપૂર્ણપણે બદલી નાખવા જઈ રહી છે. જેથી યુઝર્સને વધુ સારી કનેક્ટિવિટી અને ઇન્ટરનેટ સુવિધા મળી શકે.તાજેતરમાં BSNLના અધિકારીઓએ સંસદીય સમિતિને જણાવ્યું હતું કે તેઓ BSNLના વપરાશકર્તા આધાર અને સેવાઓને સુધારવા માટે સખત મહેનત કરી રહ્યા છે. આગામી છ મહિનામાં BSNLની સેવાઓ પહેલા કરતા વધુ સારી થઈ જશે.
આગામી થોડા મહિનામાં તેના 4G ટાવર્સની સંખ્યા 24 હજારથી વધારીને 1 લાખ કરવાની યોજના બનાવી રહી છે. આ સાથે યુઝર્સને વધુ સારી કનેક્ટિવિટી અને ઇન્ટરનેટ સુવિધા મળશે. તે જ સમયે, સરકારી ટેલિકોમ કંપની આત્મનિર્ભર ભારત પહેલ હેઠળ વધુ સારી ટેલિકોમ સેવાઓ માટે સ્વદેશી તકનીક પર પણ કામ કરી રહી છે.
54000 4G ટાવર ઇન્સ્ટોલ કરવાની તૈયારી
સરકારી ટેલિકોમ કંપની સાથે જોડાયેલા અધિકારીઓનું કહેવું છે કે લગભગ 54000 4G ટાવર ઇન્સ્ટોલેશન માટે લગભગ તૈયાર છે. આ સાથે, કંપનીએ ઘણી સાઇટ્સ પર નેટવર્ક અપગ્રેડેશનનું કામ લગભગ પૂર્ણ કરી લીધું છે. આગામી છ મહિનામાં 100,000 4G ટાવર સ્થાપિત કરવાની તૈયારીઓ પૂર્ણ કરવામાં આવી છે. આ સાથે, કંપની ઘણી સાઇટ્સ પર 5G નેટવર્કનું પણ પરીક્ષણ કરી રહી છે.
ગ્રામીણ ગ્રાહકો પર નજર
તાજેતરમાં BSNL એ Karbonn Mobile સાથે ભાગીદારી કરી છે. કંપની તેના નેટવર્કને અપગ્રેડ કરવા પર સતત કામ કરી રહી છે. બીએસએનએલના ગ્રાહકો મોટાભાગે ગ્રામીણ વિસ્તારના છે. આ જ કારણ છે કે કંપનીએ કાર્બન મોબાઈલ સાથે મળીને ફીચર ફોન લોન્ચ કરવાની યોજના બનાવી છે. આમ કરવાથી, કંપનીના ગ્રાહકોને 4G સેવા માટે મોંઘા સ્માર્ટફોન ખરીદવાની જરૂર નહીં પડે.
