China DeepSeek AI chatbot :ચીનના ડીપસીક એઆઈ એન્જિનથી ટેક દુનિયામાં ધરમૂળિયાં હલ્યાં: વૈશ્વિક ટેક કંપનીઓને 1 લાખ કરોડ ડોલરનું નુકસાન
ચીનનું ડીપસીક એઆઈ એન્જિન લૉન્ચ થતા વૈશ્વિક ટેક કંપનીઓને $1 લાખ કરોડનું નુકસાન અને એનવિડીયાના શેરમાં 17% ઘટાડો નોંધાયો
ડીપસીકએ માત્ર $60 લાખના ખર્ચે ચેટજીપીટીથી ઝડપી અને વધુ કાર્યક્ષમ એઆઈ મોડેલ વિકસાવ્યું, જે વિશ્વભરમાં હાહાકાર મચાવી રહ્યું
China DeepSeek AI chatbot : ચીનના સ્ટાર્ટઅપ ડીપસીકે આર્ટિફિશિયલ ઈન્ટેલિજન્સ (એઆઈ) ક્ષેત્રે ઐતિહાસિક આગવી સફળતા હાંસલ કરી છે. ડીપસીકએ માત્ર $60 લાખ (ભારતીય રૂ. 52 કરોડ)ના ખર્ચે પોતાનું એઆઈ એન્જિન વિકસાવ્યું છે, જે ચેટજીપીટીથી ઝડપી, કાર્યક્ષમ અને સાદું છે. આ નવો મોડેલ લૉન્ચ થતાં જ વૈશ્વિક ટેક ઉદ્યોગમાં ભારે ઉથલપાથલ મચી છે, જેના કારણે એકલાં ટેક શેરોમાં $1 ટ્રીલિયન (1 લાખ કરોડ ડોલર) જેટલું નુકસાન નોંધાયું છે.
ચીનના હેન્ગ્ઝૌમાં ડીપસીકની સ્થાપના કરનારા 40 વર્ષીય લીયાંગ વેંગફેંગે એનવિડીયાની જૂની ચીપ્સ અને સસ્તી ટેક્નોલોજીનો ઉપયોગ કરી આ મોડેલ તૈયાર કર્યો છે. આ એઆઈ ચેટબોટના વ્યાપક લોકપ્રિયતા મેળવવાના કારણે જાપાન, અમેરિકા અને યુરોપની અનેક ટેક કંપનીઓના શેરમાં ભારે ઘટાડો થયો છે. ખાસ કરીને એનવિડીયાના શેરમાં 17% સુધીનો કડાકો બોલતા કંપનીના માર્કેટ કેપમાં $465 અબજનું નુકસાન નોંધાયું છે, જે એકરારિત રીતે સૌથી મોટું ગાબડું છે.
ડીપસીકના લોન્ચથી ઓપનએઆઈ અને અન્ય અમેરિકન ટેક કંપનીઓના ખર્ચાળ મોડેલો સામે પ્રશ્નો ઉઠી રહ્યા છે. ડીપસીકના સસ્તા અને કાર્યક્ષમ મોડલે એઆઈ ચીપસેટની જરૂરિયાત પર પણ ફરી વિચારવા મજબૂર કરી દીધું છે. ચીનની આ સફળતાને અમેરિકાના એઆઈ અને સેમીકન્ડક્ટર ઉદ્યોગ માટે સીધો પડકાર માનવામાં આવી રહ્યો છે.
આ બબાલના કારણે નાસ્ડેક 664 પોઈન્ટ અને ફ્યુચર 700 પોઈન્ટ તૂટ્યા છે. આ ઉપરાંત, જાપાન, જર્મની અને અન્ય યુરોપિયન ટેક કંપનીઓના શેરમાં પણ ઘટાડો જોવા મળ્યો છે. એશિયન માર્કેટમાં પણ જાપાની સેમીકન્ડક્ટર શેર ઘટી ગયા છે.
બીજી બાજુ, ડીપસીકના લોકપ્રિયતા વધતા તેના એપ ડાઉનલોડની સંખ્યા અપાર રીતે વધી રહી છે, જે ચીનના ટેક ઉપક્રમે વૈશ્વિક ટેક ક્ષેત્રે ક્રાંતિ લાવવાનું સંકેત આપે છે.
