ફેસબુકે ઇન્સ્ટાગ્રામ માટે ખરીદી એનિમેટેડ ફોટો બનાવતી વિશ્વની સૌથી મોટી વેબસાઇટ

નવી દિલ્હી : સોશિયલ મીડિયા કંપની ફેસબુકે (Facebook) વિશ્વની સૌથી મોટી એનિમેટેડ ફોટો (GIFs) બનાવતી વેબસાઇટ ગિફી (Giphy)ને ખરીદી છે. ટેક્નોલોજી ન્યૂઝના રિપોર્ટ અનુસાર, આ ડીલ 400 મિલિયન એટલે કે લગભગ 3,035 કરોડ રૂપિયામાં કરવામાં આવી છે. ફેસબુકે તેની ફોટો શેરિંગ એપ્લિકેશન ઇન્સ્ટાગ્રામ (Instagram)માં જીઆઈએફ માટે સપોર્ટ આપવા માટે આ ડીલ કરી છે. ફેસબુકે તેની એક બ્લોગ પોસ્ટ દ્વારા આ ડીલની વિગતો આપી છે.

તમને જણાવી દઈએ કે વર્ષ 2015 માં ગિફીએ તેના પ્લેટફોર્મ પર ગિફીને ટેકો આપવા માટે માત્ર ફેસબુક સાથેની ભાગીદારીની વાત કરી હતી અને તે સમયે ફેસબુકે આ ઓફર નામંજૂર કરી હતી. આ ડીલ પછી, ગિફી ફેસબુકની માલિકીની ફોટો શેરિંગ એપ્લિકેશન ઇન્સ્ટાગ્રામનો ભાગ બનશે.