મુંબઇના ટ્રાફિક પોલીસ માટે પહેલા ખુબજ સ્પીડમાં અાવી અને ટ્રાફિક નિયમોને તોડનારાને પકડવા જાણે કે માથાનો દુખાવા સમાન હતો.પરંતુ હવે 47 હાઇટેક કેમેરાઓએ પોલીસની મુશ્કેલીમાં ઘણો ઘટાડો કર્યો છે.એટલે કે જે પણ ઝડપી ગતિ કાર ચલાવે છે તે આ કેમેરોની સહાયથી સરળતાથી પકડવામાં આવે છે.
તેમની સૌથી મોટી વિશિષ્ટતા છે કે તે આપોઆપ નંબર પ્લેટને ઓળખવા માટે ટેકનોલોજીથી લેસ છે.શહેરના જોઇન્ટ પોલીસ કમિશનર અમીતેશ કુમારે જણાવ્યું હતું કે 47 માંથી 40 કેમેરો ડિસેમ્બરમાં મૂકવામાં આવ્યા હતા અને બાકીના 7 કેમેરા ફેબ્રુઆરીમાં મૂકવામાં આવ્યા હતા.તેમણે જણાવ્યું હતું કે, જાન્યુઆરીથી ફેબ્રુઆરી મહિનામાં ટ્રાફિક નિયમો તોડનાર 30 હજાર લોકો સામે કાર્યવાહી કરવામાં આવી છે અને આ સંખ્યા માર્ચમાં ત્રણ ગણી વધી છે.