Jioને ટક્કર આપવા Idea લાવ્યું ધમાકેદાર કેશબેક ઓફર

રિલાયન્સ jioને ટક્કર આપવા માટે Idea નવી ઓફર લઇને આવ્યું છે. આઇડિયા સેલ્યુલર પોતાના પ્રીપેડ યુઝર્સને કેટલાંક પસંદગીના રિચાર્જ પર કેશબેક અને પુરસ્કાર આપી રહ્યું છે. 100 રૂપિયાના રિચાર્જ પર આઇડિયા 20 રૂપિયાની કેશબેક કૂપન આપી રહ્યું છે. તેનો ઉપયોગ 199 અને તેનાથી વધુના રિચાર્જ પર કરી શકાય છે. જો કે શરત એ છે કે કે તમામ રિચાર્જ માય આઇડિયા એપ કે આઇડિયાની વેબસાઇટથી જ કરવું પડશે. આ સિવાય આઇડિયાએ એક ટીવી જાહેરાત પણ લોન્ચ કરી છે, તેને ‘દેખતે જાઓ બેજિજક’ નામ આપ્યું છે. તેમાં પ્રીપેડ સબ્સક્રાઇબર્સને અનલિમિટેડ રિચાર્જ પ્લાન્સ પર કેશબેક, કાર, બાઇક, અને સ્માર્ટફોન જીતવાનો મોકો મળે છે. આ ઓફરને આઇડિયાએ ‘જીતો બેજિજક’ નામ આપ્યું છે. આ યુઝર્સને 100 રૂપિયાના દરેક રિચાર્જ પર 20 રૂપિયા કેશબેકની કૂપન મેળવવાની તક આપે છે. આ કૂપનને આઇડિયાના 199 રૂપિયા કે તેનાથી વધુના કોઇપણ રિચાર્જ પર રિડીમ કરી શકાય છે. 100 રૂપિયાનું રિચાર્જ માત્ર આઇડિયાની વેબસાઇટ કે એપથી થવું જોઇએ. આ ઓફર 5 જૂન થી 15 ઑગસ્ટ સુધી વેલિડ છે.