Indian Army AI Robot: ચીન-પાકિસ્તાન સરહદ પર તૈનાત સ્માર્ટ રોબોટ, દુશ્મન ઉપર નજર અને હુમલા માટે સજ્જ
Indian Army AI Robot: ભારતીય સેના હવે પરંપરાગત લશ્કરી સાધનોની સાથે આધુનિક ટેક્નોલોજી તરફ દ્રષ્ટિએ મજબૂત પગલા ભરી રહી છે. તેના ભાગરૂપે, સેના હવે ‘રોબોટિક ખચ્ચર’ નામના સ્પેશલ મશીનનો ઉપયોગ શરૂ કર્યો છે, જે દુશ્મનની હરકતો પર નજર રાખવાની સાથે ઝરુર પડે તો હુમલો કરવાની પણ ક્ષમતા ધરાવે છે. ચીન અને પાકિસ્તાન જેવી સંવેદનશીલ સરહદો પર હવે આ સ્માર્ટ મશીન સેના સાથે તૈનાત છે.
શું છે ‘રોબોટિક ખચ્ચર’?
આ મશીન આધુનિક રોબોટિક ટેક્નોલોજીથી બનાવાયેલું છે, જે દરેક પ્રકારના હવામાન અને પથરીલા, બરફીલા, ડુંગરાળ વિસ્તારોમાં સરળતાથી ચાલે છે. તેની ખાસિયત એ છે કે તે સંપૂર્ણ રીતે ઑટોમેટિક છે અને ઓપરેટરના દિશાનિર્દેશ વિના પણ ચોકસાઈથી કામ કરી શકે છે.
હથિયારો અને પેલોડ ક્ષમતા
રોબોટિક ખચ્ચરમાં AK-47, INSAS, LMG, સ્નાઈપર રાઈફલ અથવા ટેવર જેવા વિવિધ હથિયારો ફિટ કરી શકાય છે. તે 12 થી 15 કિલોગ્રામ સુધી લશ્કરી પેલોડ વહન કરી શકે છે, જેથી તેને લોજિસ્ટિક સપોર્ટ માટે પણ ઉપયોગી બની શકે છે.
શક્તિશાળી દેખરેખ અને સેન્સર સિસ્ટમ
આ રોબોટ 5 થર્મલ કેમેરા અને એડવાન્સ સેન્સર્સથી સજ્જ છે. તે ઇલેક્ટ્રો-ઓપ્ટિક્સ અને ઇન્ફ્રારેડ ટેક્નોલોજીથી દુશ્મનની હરકતો ઓળખી શકે છે. 360 ડિગ્રી કવરેજ સાથે તે દુશ્મનની હિલચાલને સંપૂર્ણ રીતે ટ્રેક કરી શકે છે.
તેનો કદ લગભગ 51 કિલો વજન, 37.5 ઇંચ લંબાઈ, 27 ઇંચ ઊંચાઈ અને 10 ઇંચ પહોળાઈ ધરાવે છે, જેને કારણે તે પોર્ટેબલ પણ છે.
ટકાઉ બેટરી અને ઝડપી ચાર્જિંગ
રોબોટિક ખચ્ચર માત્ર 1 કલાકમાં ચાર્જ થઈ જાય છે અને સતત 3.5 કલાક 18 કિમી/કલાકની ઝડપે ચાલે છે. તેની બેટરી 21 કલાક સુધી ચાલે છે, જે લાંબી મિશન માટે અતિ મહત્વપૂર્ણ છે.
સેનાની તાકાતમાં વધારો
આ સ્માર્ટ રોબોટ નક્કર, રણસ્થળે જોખમ ઘટાડે છે અને સેના માટે ગેમચેન્જર સાબિત થઈ રહ્યો છે. હવે ખતરનાક વિસ્તારોમાં મેન પાવર મોકલવાની જરૂર ઓછી રહી છે. રોબોટિક ખચ્ચર બિનજરૂરી જીવના જોખમ વિના માહિતી એકત્ર કરી શકે છે અને જરૂર પડે તો દુશ્મન સામે કાર્યવાહી પણ કરી શકે છે.
