જાણો સિમ કાર્ડ આધાર સાથે કેવી રીતે કરશો લિંક

6 ફેબ્રુઆરી સુધીમાં દરેકે તેમનો મોબાઈલ નંબર આધાર સાથે લિંક કરી લેવો જરૂરી છે. તમારે સિમ કાર્ડને આધાર સાથે લિંક કરવા માટે તમારા ટેલિકોમ સર્વિસ પ્રોવાઈડરની વેબસાઈટ પર જઈને કે પછી તેની હેલ્પલાઈન પર ફોન કરી વનટાઈમ પાસવર્ડ (ઓટીપી) જનરેટ કરવાનો રહેશે. આ પ્રક્રિયા સંપૂર્ણ રીતે ઓટોમેટિક હશે.
હવે, યુનિક આઈડેન્ટિફિકેશન ઓથોરિટી ઓફ ઈન્ડિયા દ્વારા સિમ કાર્ડ સાથે આધારને લિંક કરવા માટે આ બે પ્રક્રિયાને જ મંજૂરી આપવામાં આવી છે. આ પહેલા ડિપાર્ટમેન્ટ ઓફ ટેલિકોમ્યુનિકેશન્સે એવી ભલામણ કરી હતી કે, ગ્રાહકોને તેમના મોબાઈલ નંબર પર એસએમએસ દ્વારા ઓટીપી મોકલવામાં આવે અને તે ઓટીપી દ્વારા ગ્રાહક સિમ કાર્ડને આધાર સાથે લિંક કરી શકે. પરંતુ યુઆઈડીએઆઈ દ્વારા આ ભલામણનો સ્વીકાર નથી કરાયો. જેના માટે ‘સુરક્ષા’નું કારણ આપવામાં આવ્યું છે. યુઆઈડીએઆઈનું કહેવું છે કે, સિમ કાર્ડ સાથે આધાર લિંક કરવાની સમગ્ર પ્રક્રિયા સર્વિસ પ્રોવાઈડરની વેબસાઈટ કે પછી હેલ્પલાઈન નંબર પર ફોન કરીને ઓટીપી નંબર મેળવીને જ થવી જોઈએ.
આ ઉપરાંત તમારો મોબાઈલ નંબર આધાર પર રજિસ્ટર્ડ હોવો જોઈએ. જો તેમ ન હોય તો પહેલા તમારે આધાર સાથે તમારો નંબર રજિસ્ટર્ડ કરાવવો પડશે.
તમારો મોબાઈલ નંબર જે કંપનીનો છે, તેની વેબસાઈટ પર જઈ તમારો મોબાઈલ નંબર એન્ટર કરો. તે પછી મોબાઈલ પર એક ઓટીપી આવશે. તેને હવે વેબસાઈટ પર નાંખવાનો છે. યાદ રહે કે, એ મોબાઈલ નંબર તમારી પાસે જ હોવો જોઈએ જે તમારા આધાર નંબર સાથે રજિસ્ટર છે. તે પછી વેબસાઈટ પર એક મેસેજ આવશે અને અહીં આધાર નંબર નાંખવાનો રહેશે. તે પછી યુઆઈડીએઆઈ તરફથી એક ઓટીપી આવશે. હવે આ ઓટીપીને વેબસાઈટ પર આવી રહેલા ઓટીપી બોક્સમાં લખો. તે પછી તમારો મોબાઈલ નંબર આધાર સાથે લિંક થઈ જશે.