5Gની રાહ ટૂંક સમયમાં પૂરી થવા જઈ રહી છે. આવતા મહિને એટલે કે ઓક્ટોબરમાં ભારતમાં 5G સેવાઓ શરૂ કરવામાં આવશે. ટેલિકોમ મંત્રી અશ્વિની વૈષ્ણવ આ અંગેની માહિતી આપી ચૂક્યા છે. હવે તેની તારીખ પણ નક્કી કરવામાં આવી છે. ઈન્ડિયન મોબાઈલ કોંગ્રેસ 1લી ઓક્ટોબરથી શરૂ થઈ રહી છે અને આ દિવસે જ 5G સેવા શરૂ કરવામાં આવશે.
વડા પ્રધાન નરેન્દ્ર મોદી તેને 1 ઓક્ટોબરે રજૂ કરશે. ઈન્ડિયન મોબાઈલ કોંગ્રેસે પણ આ અંગે ટ્વીટ કર્યું હતું. જોકે ત્યારપછી આ ટ્વીટ ડિલીટ કરી દેવામાં આવી છે.
આ ટ્વીટની સાથે તેણે એક પોસ્ટર પણ શેર કર્યું હતું, જેના પર તેના રોલઆઉટ વિશે માહિતી આપવામાં આવી હતી. IMC 2022 1લી ઓક્ટોબરથી શરૂ થઈ રહ્યું છે અને 4 ઓક્ટોબર સુધી ચાલશે.
5G સેવાઓ ટૂંક સમયમાં શરૂ થશે
ઈન્ડિયન મોબાઈલ કોંગ્રેસનું આયોજન ડિપાર્ટમેન્ટ ઓફ ટેલિકોમ્યુનિકેશન અને COAI દ્વારા સંયુક્ત રીતે કરવામાં આવે છે. 5G હરાજી બાદ કેન્દ્રીય મંત્રી અશ્વિની વૈષ્ણવે માહિતી આપી હતી કે 12 ઓક્ટોબર સુધીમાં દેશમાં 5G સેવાઓ શરૂ થઈ જશે. તે જ સમયે, Jio અને Airtel બંનેએ 5G રોલઆઉટ માટેની તૈયારીઓ પૂર્ણ કરી લીધી છે. બંને ઓક્ટોબરમાં તેમની સેવા શરૂ કરી શકે છે.
Jio અને Airtel એ તૈયારી કરી લીધી છે
5G હરાજીમાં Jio સૌથી વધુ બોલી લગાવનાર છે. એરટેલ પણ 5G સેવાઓને લઈને મોટો દાવ રમી રહી છે. આ બે ટેલિકોસ સિવાય, Vi એ સ્પેક્ટ્રમ પણ ખરીદ્યું છે, પરંતુ કંપનીએ સર્વિસ રોલઆઉટ તારીખ જાહેર કરી નથી. કંપનીએ સ્પષ્ટપણે કહ્યું હતું કે તેઓ ગ્રાહકોની માંગ અનુસાર 5G સેવાઓ શરૂ કરશે.
કયા શહેરોમાં 5G સર્વિસ મળશે?
જ્યારે Jio અને Airtelની 5G સર્વિસ ઓક્ટોબરમાં શરૂ થશે. એટલે કે દિવાળી પહેલા તમને તેમની યોજનાઓ અને અન્ય વિગતો મળી જશે. જોકે, શરૂઆતમાં કંપનીઓ મોટા શહેરોમાં જ 5G સેવા શરૂ કરશે.
પહેલા દિલ્હી, કોલકાતા, ચેન્નાઈ અને મુંબઈમાં સેવાઓ શરૂ કરવામાં આવશે, જે પછીથી અન્ય શહેરોમાં લંબાવવામાં આવશે. Jio એ તેના 5G રોલઆઉટ પ્લાનમાં કહ્યું છે કે તેઓ આગામી બે વર્ષમાં દેશભરમાં 5G સેવાઓ શરૂ કરશે.
જ્યારે, 5G પ્લાન માટે, ગ્રાહકોએ 4G કરતાં વધુ પૈસા ખર્ચવા પડશે. જોકે, ટેલિકોમ કંપનીઓએ હજુ સુધી 5G રિચાર્જ પ્લાન અંગે કોઈ નક્કર માહિતી શેર કરી નથી.
