Samsung Neo OLED TVસેમસંગે CES 2024માં AI ફીચર સાથેનું સ્માર્ટ ટીવી રજૂ કર્યું છે. આ સ્માર્ટ ટીવીમાં અમેઝિંગ આર્ટિફિશિયલ ઈન્ટેલિજન્સ ફીચર્સ આપવામાં આવ્યા છે, જેના કારણે 8K રિઝોલ્યુશનમાં પણ ઓછી ગુણવત્તાના વીડિયો જોઈ શકાય છે.
સેમસંગે CES 2024માં આર્ટિફિશિયલ ઈન્ટેલિજન્સ ફીચર સાથેનું સ્માર્ટ ટીવી રજૂ કર્યું છે. આ સ્માર્ટ ટીવીમાં કંપનીનું લેટેસ્ટ NQ8 AI Gen 3 પ્રોસેસર આપવામાં આવ્યું છે. આ ઉપરાંત, કંપનીએ વિશ્વની સૌથી મોટી કન્ઝ્યુમર ઈલેક્ટ્રોનિક્સ ઈવેન્ટમાં 8K રિઝોલ્યુશન અને પારદર્શક માઇક્રોએલઈડી ડિસ્પ્લે સાથેનું પ્રોજેક્ટર પણ પ્રદર્શિત કર્યું છે. સેમસંગે આ શ્રેણીમાં ઘણા સ્માર્ટ ટીવી રજૂ કર્યા છે, જે વિવિધ સ્ક્રીન સાઈઝમાં આવે છે. S95Dમાં 77 ઇંચની અલ્ટ્રા લાર્જ સ્ક્રીન છે. જ્યારે, S90D અને S85D 42 ઇંચથી 83 ઇંચ સુધીની સ્ક્રીન સાઇઝમાં રજૂ કરવામાં આવ્યા છે.
આ સ્માર્ટ ટીવી સિરીઝ 8K AI અપસ્કેલિંગ પ્રો ફીચર સાથે આવે છે. જેમાં AI દ્વારા લો રિઝોલ્યુશન કન્ટેન્ટને અલ્ટ્રા હાઈ રિઝોલ્યુશનમાં કન્વર્ટ કરી શકાય છે.
આ સિવાય આ સીરીઝમાં AI મોશન એન્હાન્સર પ્રો ફીચર આપવામાં આવ્યું છે. બોલ ડિટેક્શન ટેક્નોલોજીનો ઉપયોગ ખાસ કરીને ક્રિકેટ, ફૂટબોલ, ટેનિસ જેવી સ્પોર્ટ્સ ઈવેન્ટ માટે કરવામાં આવ્યો છે. NQ8 AI Gen 3 પ્રોસેસરને કારણે, તે સ્પોર્ટ્સ મેચો દરમિયાન ઉચ્ચ રિઝોલ્યુશન વિડિઓઝ બનાવી શકે છે.
આ સ્માર્ટ ટીવી સિરીઝમાં રિયલ ડેપ્થ એન્હાન્સર પ્રો ફીચર ઉપલબ્ધ છે, જે AI દ્વારા મિની LEDને નિયંત્રિત કરી શકે છે.
એટલું જ નહીં, આ સ્માર્ટ ટીવીમાં ઇન્ફિનિટી એર ડિઝાઇન છે, જે ઇમર્સિવ વ્યૂઇંગ એક્સપીરિયન્સ આપે છે.
ડિસ્પ્લેની સાથે તેના ઓડિયો ફીચર્સમાં આર્ટિફિશિયલ ઈન્ટેલિજન્સનો પણ ઉપયોગ કરવામાં આવ્યો છે. તેમાં એક્ટિવ વોઈસ એમ્પ્લીફાયર પ્રો અને ક્યુ-સિમ્ફની જેવા ફીચર્સ છે.
આ સ્માર્ટ ટીવી 144Hz રિફ્રેશ રેટ ડિસ્પ્લેને સપોર્ટ કરે છે. આ સિવાય તેમાં ગ્લેર ફ્રી ટેક્નોલોજીનો ઉપયોગ કરવામાં આવ્યો છે.
આ સ્માર્ટ ટીનીની જાડાઈ માત્ર 12.9mm છે. આ શ્રેણીના તમામ સ્માર્ટ ટીવી Tizen OS 2024ને સપોર્ટ કરશે. આ સિવાય સેમસંગ ટીવી+, સેમસંગ ડેલી+ જેવા ફીચર્સ પણ તેમાં ઉપલબ્ધ હશે.
