Apple iPhone 14 સિરીઝના સેટેલાઇટ કનેક્ટિવિટી ફીચરની આસપાસ ચર્ચા છે. iPhoneના સેટેલાઇટ ફીચરની પોપ્યુલારિટીને જોતા સેમસંગ પણ ટૂંક સમયમાં આ ફીચર રજૂ કરી શકે છે. લીક્સ અનુસાર, કંપની આ ફીચર આગામી ગેલેક્સી સીરીઝના સ્માર્ટફોનમાં રજૂ કરી શકે છે. જોકે, અત્યારે એ સ્પષ્ટ નથી થયું કે સેમસંગના કયા મોડલમાં કનેક્ટિવિટી ફીચર રજૂ કરવામાં આવશે. તે પણ જાણી શકાયું નથી કે આ ફીચર કયા દેશોમાં રજૂ કરવામાં આવશે. Appleએ iPhone 14 સિરીઝમાં સેટેલાઇટ કનેક્ટિવિટી ફીચર માત્ર યુએસ અને કેનેડામાં જ રજૂ કર્યું છે.
સેટેલાઇટ કનેક્ટિવિટીના ફાયદા
ભારત જેવા ઘણા દેશોમાં iPhone યુઝર્સને સેટેલાઇટ કનેક્ટિવિટી ફીચરનો લાભ મળ્યો નથી. Appleએ તેને iPhone 14, iPhone 14 Plus, iPhone 14 Pro અને iPhone 14 Pro Maxમાં રજૂ કર્યું હતું. એપલની સુપર પ્રીમિયમ એપલ વોચ અલ્ટ્રામાં સેટેલાઇટ કનેક્ટિવિટી ફીચર પણ ઉપલબ્ધ છે.
આ ફીચરની મદદથી યુઝર્સ ઈમરજન્સીની સ્થિતિમાં કોઈપણ નેટવર્ક અને વાઈ-ફાઈ વગર સેટેલાઈટ ટુ ટેક્સ્ટ ઈમરજન્સી સર્વિસ દ્વારા સંપર્ક કરી શકે છે. યુઝર્સ ઈમરજન્સી SOS સેવાનો લાભ લઈ શકે છે.
પ્રિમિયમ ફોન સિરીઝમાં મળશે
ટ્વિટર પર પ્રખ્યાત ટિપસ્ટર રિકિઓલોએ આ લીક જાહેર કર્યું છે. લીક અનુસાર, સેમસંગ પોતાના સ્માર્ટફોનમાં સેટેલાઇટ કનેક્ટિવિટીનો પણ ઉપયોગ કરશે. જો આવું થાય છે, તો સેમસંગ તેની સૌથી મોંઘી સ્માર્ટફોન સીરીઝ ગેલેક્સી એસ સીરીઝ અને ફોલ્ડ સીરીઝમાં સેટેલાઇટ કનેક્ટિવિટી ફીચર દાખલ કરી શકે છે.
સેમસંગ આ પહેલા પણ આવું કરી ચુક્યું છે
આ પહેલીવાર નથી જ્યારે સેમસંગ તેના સ્માર્ટફોનમાં નવા iPhoneનું લેટેસ્ટ ફીચર રજૂ કરશે. કંપનીએ તેના સ્માર્ટફોનમાંથી હેડફોન જેકને પણ દૂર કરવાનું શરૂ કર્યું છે, જેનાથી તેના TWS ઇયરબડ્સના વેચાણમાં વધારો થવો જોઈએ. આ કિસ્સામાં, Apple પ્રથમ બ્રાન્ડ છે જેણે iPhone 7 સાથે આ સીરીઝની શરૂઆત કરી છે.
