લો કરો વાત ફેસબૂકને મોંઘો પડ્યો ન્યૂઝ ફીડમાં બદલાવ, 2 ખરબથી વધુ થયુ નુકસાન

ફેસબૂકે હાલમાં તાજેતરમાં ન્યૂઝ ફીડમાં ફેરફારની જાહેરાત કરી છે, હવે આ પરિવર્તનના પરિણામે કંપનીને ખુબ મોટુ નુકસાન થયું છે.ફોર્બ્સ દ્વારા જાહેર કરેલ આંકડાકીય માહિતી અનુસાર, કંપનીને કુલ ખાનગી સંપત્તિમાંથી આશરે 3.3 અબજ ડોલરનું નુકસાન થયું છે.અહેવાલ અનુસાર, માર્ક ઝકરબર્ગ દ્વારા ન્યૂઝ ફીડમાં ફેરફારની જાહેરાત પછી 4.4 ટકા નુકસાન થયુ છે.
ફેસબુક દ્વારા આ જાહેરાત કરવામાં આવી હતી કે કંપની ન્યૂઝ ફીડ એલગોરિધમમાં કેટલાક ફેરફારો કરશે. આથી વેપારીઓ અને મીડિયા કંપનીઓના પોસ્ટથી વધુ સંખ્યામાં મિત્રો અને પરિવારોના ફીડ વધુ દેખાશે.ફેસબૂકની આ પોસ્ટ પછીથી શુક્રવાર સાંજે ફેસબૂકના શેર ગુરુવારે ગગડ્યા હતા. જે $ 187.77 થી 4.4 ટકા ઘટાડા સાથે $ 179.37 પર પહોંચ્યા હતા.
ઝકરબર્ગે તાજેતરમાં જણાવ્યું હતું કે, તેમને ફેસબુક વપરાશકર્તાઓથી ફીડબૅક મળ્યા છે કે તેમને જાહેર કોન્ટેન્ટ, વ્યાપાર સંબંધિત પોસ્ટ્સ, બ્રાન્ડ અને મીડિયા તેમના વ્યક્તિગત મુમેન્ટ્સમાં અવરોધ કરે છે.અાવી ફરિયાદો પછી કંપનીએ અા નિર્ણય કર્યો હતો. જેની અવળી અસર જોવા મળી છે અને કંપનીને ખરબોનું નુકસાન થયુ છે.
માર્ક ઝકરબર્ગે જણાવ્યું હતું કે, છેલ્લા કેટલાક વર્ષોથી ફેસબૂક પર વીડિયો અને પબ્લિક કોન્ટન્ટનું ઘોડાપુર અાવ્યુ હતુ. હવેથી ફેસબૂક પર ફ્રેન્ડ્સ અને ફેમિલી પોસ્ટથી વધુ જાહેર પોસ્ટ થઈ ગયા છે, ન્યૂઝ ફીડનું સંતુલન ફેસબુક દ્વારા મહત્વના કાર્યોથી શિફ્ટ થઈ ગયું છે, જેના દ્વારા લોકો જોડાયેલા હોય છે.માર્કઝકરબર્ગે પોતાની પોસ્ટમાં જણાવ્યું છે કે, ‘અમે જવાબદારી સાથે લોકો સાથે વાત કરવા માટે નિશ્ચિત કરવા માંગીએ છીઅે કે અમારી સેવા માત્ર માત્ર મજા માટે નથી, પરંતુ તે લોકોના સારામાટે પણ છે’