બ્રહ્મોસ મિસાઈલનું પરીક્ષણ સુખોઈ ફાઈટર જેટથી કરાશે

દુશ્મનની સરહદમાં ઘૂસીને લક્ષ્ય ભેદવામાં સક્ષમ બ્રહ્મોસ મિસાઇલનું પરીક્ષણ હવે સુખોઇ ફાઇટર જેટથી કરાશે. અવાજની ગતિ કરતાં અંદાજે ત્રણ ગણા એટલે કે 2.8 માકની ગતિથી હુમલો કરવામાં સક્ષમ બ્રહ્મોસ મિસાઇલનું આ સપ્તાહે પહેલી વખત સુખોઇ-30 એમકેઆઇ ફાઇટર જેટથી પરીક્ષણ થશે. ફાઇટર જેટથી હુમલો કરવામાં સક્ષમ બ્રહ્મોસ મિસાઇલના પરીક્ષણને ‘ડેડલી કોમ્બિનેશન’ કહેવામાં આવી રહ્યું છે. હવાથી જમીન પર માર કરનાર બ્રહ્મોસ મિસાઇલનું દુશ્મન દેશની સરહદમાં સ્થાપિત આતંકી ઠેકાણા પર હુમલો કરવા માટે પણ ઉપયોગ કરી શકાય છે.
આ મિસાઇલ અંડરગ્રાઉન્ડ પરમાણું બંકરો, કમાન્ડ એન્ડ કંટ્રોલ સેન્ટર્સ અને દરિયાની ઉપર ઉડી રહેલા એરક્રાફ્ટને દૂરથી જ નિશાન બનાવામાં સક્ષમ છે. છેલ્લાં એક દાયકામાં સેનાએ 290 કિલોમીટરની રેન્જમાં જમીન પર માર કરનાર બ્રહ્મોસ મિસાઇલને પહેલાં જ પોતાના બેડામાં સામેલ કરી લીધી છે. બ્રહ્મોસ મિસાઇલ માટે 27150 કરોડ રૂપિયાના ઑર્ડર આપ્યા છે. તેના માટે સેના, નેવી અને ઇન્ડિયન એર ફોર્સે પોતાની રૂચી દેખાડી છે.
જૂન,2016મા ભારતના 34 દેશોના સંગઠન મિસાઇલ ટેકનોલોજી કંટ્રોલ રિઝીમનો હિસ્સો બન્યા બાદ હવે મિસાઇલોની રેન્જની સરહદ પણ હવે ખત્મ થઇ ચૂકી છે. એવામાં હવે સશસ્ત્ર બળ બ્રહ્મોસના 450 કિલોમીટર રેન્જ સુધી માર કરનાર વર્ઝનના પરીક્ષણની તૈયારીમાં છે. એમટીસીઆરની સભ્યતા મળ્યા બાદ ભારત 300 કિલોમીટરની રેન્જવાળી મિસાઇલોને તૈયાર કરવામાં સક્ષમ હશે. હાલ બ્રહ્મોસ મિસાઇલના હાઇપરસોનિક વર્ઝનને તૈયાર કરવાની તૈયારી શરૂ કરી દીધી છે. જે માક 5ની સ્પીડથી ઉડાન ભરવામાં સક્ષમ હશે.