ઇઝરાયલ પાસેથી ભારત સ્પાઈક મિસાઇલની ખરીદી કરે તેવી શક્યતા

ભારત, ઇઝરાયલથી સ્પાઇક ટેન્ક પ્રતિબંધિત નિર્દેશિત મિસાઇલ ખરીદશે. ઇઝરાયલ તરફથી ભારત દ્વારા 50 કરોડ ડોલરના આ સંરક્ષણ કરારને રદ્દ કરવામાં આવ્યા બાદ કેટલાક અઠવાડિયા પછી આ નિવેદન બહાર આવ્યું છે. યરૂશલમ પોસ્ટમાં પ્રકાશિત સમાચાર પ્રમાણે નેતન્યાહૂ ભારત યાત્રાથી થોડા અઠવાડિયા પહેલાં આ સોદો રદ કરવામાં આવ્યો હતો.આ કરારનું નવીનીકરણ એક મોટી રાજનૈતિક ઉપલબ્ધતા છે.
ભારતના છ દિવસના પ્રવાસે અાવેલા નેતન્યાહૂએ કહ્યું કે કરારના અંતિમ ભાગ અને સીમાઓ પર પુન વિચાર કરી અંતિમ રૂપ અાપવામાં અાવશે.પહેલાં ઇઝરાયેલની હથિયાર કંપની રફેલ એડવાન્સ ડિફેન્સ સીસ્ટમ્સ લિ. આ જ મહિને આ બાબતની પુષ્ટિ કરી હતી કે ભારતે આ સોદો રદ્દ કર્યો છે અને તેણે આ નિર્ણય પર ખેદ પણ વ્યક્ત કર્યો હતો. જો કે હવે ફરીથી અા સોદો મંજૂર થાય તેવી શક્યતા છે.