હેડઓફિસ દ્વારા બ્રાંચને ચૂકવાતી સેલરી પર લાગશે 18 ટકા જીએસટી

કંપનીની હેડ ઓફિસ દ્વારા અન્ય રાજ્યોમાં રહેલી બ્રાન્ચ ઓફિસોમાં જો એકાઉન્ટીંગ, આઇટી, હ્યુમન રિસોર્સ માટે વેતન ચૂકવવામાં આવ્યું હોય તો તેની પર 18 ટકા જીએસટી લાગશે. ઓથોરિટી ફોર એડવાન્સ રુલીંગ (એએઆર)ની કર્ણાટક ખંડપીઠ દ્વારા પસાર કરવામાં આવેલા એક હુકમ અનુસાર બે ઓફિસ વચ્ચેની પ્રવૃત્તિઓને જીએસટી કાયદા હેઠળના સપ્લાય તરીકે ગણવામાં આવશે. તેમાં જણાવ્યું હતું કે સપ્લાયના વેલ્યુએશનમાં દરેક ખર્ચાઓ જેમ કે કર્મચારી ખર્ચ, કે જે અલગ બીજી ઓફિસ દ્વારા અન્ય બીજી અલગ ઓફિસ માટે પૂરા પાડવામાં આવ્યા હોય તેનો સમાવેશ થાય છે. જે પ્રવૃત્તિઓ કર્મચારીઓ દ્વારા કોર્પોરેટ ઓફિસમાં કરવામાં આવી હોય કે એકાઉન્ટીંગ, અન્ય વહીવટીય અને આઇટી સિસ્ટમ મેઇન્ટેનન્સના સંબંધમાં કરવામાં આવી હોય અને તે એકમ અન્ય રાજ્યમાં સ્થિત હોય તે સેન્ટ્રલ ગુડ્ઝ એન્ડ સર્વિસીઝ ટેક્સ એક્ટની કલમ 25(4) અનુસાર અલગ વ્યક્તિઓને સીજીએસટી એક્ટના શિડ્યૂલ 1ની એન્ટ્રી 2 તરીકે ગણવામાં આવશે એમ એએઆરએ જણાવ્યું હતું. નિકાસકારોએ જણાવ્યું હતું કે આ હુકમનો મતલબ એવો થાય છે કે કંપનીઓ કે જે અનેક રાજ્યોમાં પોતાની ઓફિસો ધરાવતી હોય, તેમણે હેડ ઓફિસ, કે જેણે અન્ય રાજ્યોમાં રહેલી શાખાઓમાં મદદ કરી હોય, તેમાં કર્મચારીઓ દ્વારા કરવામાં આવેલા કાર્યો માટે જીએસટી ઇનવોઇસ બનાવવા પડશે. અમુક સપ્લાય માટે લાગેલા જીએસટીને ઇનપુટ ટેક્સ ક્રેડિટ તરીકે (આઇટીસી) તરીકે બાદ લઇ શકાય તેમ હોવા છતાં, જે કંપનીઓને જીએસટીમાંથી મુક્તિ આપી હોય તેઓ ક્રેડિટ ક્લેઇમ કરી શકશે નહી. તેમજ કંપનીઓ માટે તે અનુપાલનનો બોજો પણ વધારશે કેમ કે તેમને કરેલી આવી આંતર રાજ્ય સેવાઓ માટે ઇનવોઇસ બનાવવા પડશે. એએમઆરજી એન્ડ એસોસિયેટ્સના ભાગીદાર રજત મોહને જણાવ્યું હતું કે ચાર્જ કરાયેલ જીએસટી ટેક્સ ક્રેડિટ તરીકે ઉપલબ્ધ રહેશે, સિવાય કે એવી ક્ષેત્રો કે જેમની શિક્ષણ, હોસ્પિટલ્સ, આલ્કોહોલ અને પેટ્રોલિયમમાંથી મુક્તિ આપવામાં આવી હોય. સર્વિસીઝ પૂરી પાડવાના ક્રોસ ચાર્જ પર 18 ટકાના દરે જીએસટી લાગશે તેવી અપેક્ષા છે, જેના કારણે ભારતના કોર્પોરેટ વિશ્વમાં નિરાશા વ્યાપી જશે એમ મોહને જણાવ્યું હતું.