જિયોને ટક્કર આપવા માટે વોડાફોન લાવ્યું સસ્તો પ્લાન

ટેલિકોમ ઓપરેટર Vodafoneએ પોતાના યુઝર્સ માટે એક નવો પ્લાન લોન્ચ કર્યો છે. બેઝિક રેડ પ્લાન અંતર્ગત લોન્ચ કરાયેલા નવા વોડાફોન પોસ્ટપેડ પ્લાનમાં અનલિમિટેડ વૉઇસ કોલિંગની સુવિધા મળી રહી છે. આપને જણાવી દઇએ કે 299 રૂપિયાનો વોડાફોન રેડ બેઝિક પોસ્ટપેડ પ્લાન કંપનીનો આ સીરીઝનો અત્યાર સુધીનો સૌથી સસ્તો પ્લાન છે. બીજા રેડ પ્લાસની જેમ યુઝર્સને અનલિમિટેડ વૉઇસ કોલિંગ, મફત ઇનકમિંગ, અને આઉટગોઇંગ રોમિંગ કૉલની સાથે-સાથે 100 એસએમએસ દરરોજ મફત મળશે. જો વાત કરીએ ડેટાની તો યુઝર્સને 20 જીબી 3જી/4જી ડેટા દરરોજ મળશે. તે સિવાય ડેટા રોલઓવર લિમિટ પણ 50 જીબી સુધી રાખવામાં આવી છે. આ પ્લાન લેનારા ગ્રાહકોને કંપની 12 મહિનાનું વોડાફોન સબ્સક્રિપ્શન પણ મફત આપશે. આ નવા પ્લાનને ફક્ત એપ પર લિસ્ટ કરવામાં આવ્યું છે અને આ પ્લાન ફક્ત લિમિટેડ યુઝર્સ માટે જ ઉપલબ્ધ છે. રિલાયન્સ જિયો પોસ્ટપેડ પ્લાનમાં અનલિમિટેડ વૉઇસ કોલિંગ, મફત ઇનકમિંગ અને આઉટગોઇંગ રોમિંગ કૉલ અને 100 એસએમએસ દરરોજ તેમજ 25 જીબી 4જી ડેટાની સાથે તમામ ગ્રાહકોને જિયો એપ્સનો મફત સબ્સ્ક્રિપ્શન પણ મળે છે. તો બીજી બાજુ એરટેલના પણ સમાન કિંમતવાળા પેકમાં પોસ્ટપેડ સબ્સક્રાઈબર્સને 20જીબી 4જી ડેટા મળે છે જે રોલઓવરની સુવિધા સાથે આવે છે. તે સિવાય 399 રૂપિયામાં દર મહિને મફત એસટીડી અને લોકલ કોલની સુવિધા પણ આપે છે. આપને જણાવી દઇએ કે, આ પહેલા વોડાફોને પોતાના પોસ્ટપેડ સબ્સક્રાઇબર્સ માટે 399 રૂપિયાનો વોડાફોન રેડ પ્લાન રજુ કર્યો હતો જેમાં 20 જીબી ડેટા અને અનલિમિટેડ વૉયસ કોલની સુવિધા મળે છે. અને 100 એસએમએસ પણ આપવામાં આવે છે.