કોરોના અંગે અફવા સામે વ્હોટ્સએપ ઉતર્યું મેદાન, તૈયાર કર્યું ઇન્ફોર્મેશન હબ; આ રીતે કરો એક્સેસ

નવી દિલ્હી : ઇન્સ્ટન્ટ મેસેજિંગ એપ્લિકેશન વ્હોટ્સએપે (WhatsApp) કોરોના વાયરસ સંબંધિત એક સમર્પિત વેબ પૃષ્ઠ તૈયાર કર્યું છે. કંપનીએ તેનું નામ કોરોના વાયરસ ઇન્ફર્મેશન હબ રાખ્યું છે. આ માટે વ્હોટ્સએપે વર્લ્ડ હેલ્થ ઓર્ગેનાઇઝેશન (ડબ્લ્યુએચઓ) સાથે ભાગીદારી કરી છે.

આ વેબપૃષ્ઠ માટે વ્હોટ્સએપે યુનિસેફ અને યુએનડીપી સાથે પણ ભાગીદારી કરી છે. આ સિવાય કંપની ફેક્ટ ચેકિંગ નેટવર્ક પર 1 મિલિયન ડોલર (લગભગ 7.44 કરોડ રૂપિયા) ખર્ચ કરી રહી છે. ઉદ્દેશ્ય અફવાઓ અને કોરોના વાયરથી સંબંધિત ભ્રામક સમાચાર સામે લડત આપવાનો છે.

વોટસએપએ કોરોના વાયરસથી સંબંધિત નકલી સમાચારોનો સામનો કરવા માટે પોઇંટર ઇન્સ્ટિટ્યૂટ ઇન્ટરનેશનલ ફેક્ટ ચેકિંગ નેટવર્કને પૈસા આપ્યા છે.

વોટ્સએપ કોરોનાવાયરસ ઇન્ફર્મેશન હબની રચના આરોગ્ય કર્મચારીઓ, શિક્ષિતો, સમુદાયના આગેવાનો, સરકાર, સ્થાનિક વ્યવસાયો અને એનજીઓને ધ્યાનમાં રાખીને કરવામાં આવી છે. આ દ્વારા, કોરોના વાયરસથી સંબંધિત તથ્યો અને માર્ગદર્શિકા મેળવી શકાય છે.

કોરોના વાયરસ વિશે બનાવેલા આ સમર્પિત વેબ પૃષ્ઠ પર ડબ્લ્યુએચઓ દ્વારા પ્રકાશિત માહિતી અને સંસાધનો પણ આપવામાં આવ્યા છે. આ સિવાય જુદા જુદા દેશોના આરોગ્ય મંત્રાલયની માર્ગદર્શિકા પણ આપવામાં આવી છે.

નોંધપાત્ર વાત એ છે કે, કોરોના વાયરસ સંબંધિત માહિતી માટે ડબ્લ્યુએચઓ અને યુનિસેફના સહયોગથી હોટલાઈન બનાવવા માટે પણ વોટ્સએપ કામ કરી રહ્યું છે. કંપનીનો દાવો છે કે ઇન્ડોનેશિયા, ઇઝરાઇલ, સિંગાપોર, બ્રાઝિલ અને દક્ષિણ આફ્રિકા સાથે મળીને પહેલા પણ સ્થાનિક આરોગ્ય મંત્રાલય અને એનજીઓ આ પ્રકારની માહિતી પૂરી પાડતી આવી છે.