નવી દિલ્હી : વ્હોટ્સએપે (WhatsApp) ગ્રુપ કોલિંગમાં મોટો ફેરફાર કર્યો છે. લોકડાઉન દરમિયાન, લોકો એક બીજાથી કનેક્ટ રહેવા માટે વિડીયો કોન્ફરન્સિંગ એપ્લિકેશનોનો ઉપયોગ કરી રહ્યાં છે. કદાચ આ જ કારણ છે કે વ્હોટ્સએપ 4 થી વધુ લોકોને તેમના ગ્રુપ કોલ્સમાં ઉમેરવા માટે એક સુવિધા વિકસાવી રહ્યું છે. હા, WABetaInfoથી પ્રાપ્ત માહિતી અનુસાર, વ્હોટ્સએપ ગ્રુપ વોઇસ કોલ અથવા ગ્રુપ વિડીયો કોલમાં ભાગ લેનારાઓની સૂચિમાં વધારો કરી રહ્યું છે.
એવું કહેવામાં આવ્યું હતું કે અગાઉ આ ગ્રુપ કોલિંગમાં ફક્ત 4 લોકો જ ઉમેરી શકાતા હતા, આના આધારે હવે વોટ્સએપ પર 8 લોકો ગ્રુપમાં સાથે મળીને વાત કરી શકશે.
WABetaInfo એ દાવો કર્યો હતો કે નવું અપડેટ એન્ડ્રોઇડ બીટા (v 2.20.133) અને iOS બીટા (v2.20.50.25) માટે રોલ આઉટ કર્યું છે.
આ નવી સુવિધાનો ઉપયોગ કેવી રીતે કરવો
જો તમે પણ આ નવી સુવિધાનો ઉપયોગ કરવા માંગતા હો, તો તમારે બીટા યુઝર બનવું પડશે. Android વપરાશકર્તાઓ આપેલ લિંક દ્વારા વ્હોટસએપ બીટા પ્રોગ્રામમાં નોંધણી કરાવી શકે છે, જ્યારે આઇઓએસ વપરાશકર્તાઓએ ટેસ્ટફ્લાઇટ એપ્લિકેશનનો ઉપયોગ કરવો પડશે.