વોટ્સએપ સૌથી વધારે ઉપયોગ કરવામાં આવતી મેસેજીંગ એપ્લિકેશન્સમાંથી એક છે. યૂઝર્સની સગવડતાને ધ્યાનમાં રાખીને વોટ્સએપમાં નવા-નવા ફિચર્સ ઉમેરાતા રહ્યા છે. જો કે, વોટ્સએપના કેટલાક યુઝર્સ માટે ખરાબ સમાચાર પણ આવી રહ્યા છે. ૩૧ ડિસેમ્બર ૨૦૧૮ બાદ કેટલીક જૂની ઓપરેટિંગ સિસ્ટમ્સમાં સપોર્ટ કરતું બંધ થઈ જશે. નોકિયાના જૂના ઓપરેટિંગ સિસ્ટમના યૂઝર્સ 31 ડિસેમ્બરથી પોતાના ફોનમાં વોટ્સએપનો ઉપયોગ નહીં કરી શકે.
આ ઓપરેટિંગ સિસ્ટમ છે Nokia S40, આ ઓપરેટિંગ સિસ્ટમમાં ૩૧ ડિસેમ્બર બાદ વોટ્સએપ નહીં ચલાવી શકાય. આ ઓપરેટિંગ સિસ્ટમ પર વોટ્સએપ નહીં ચાલી શકવાનું કારણ છે કે, મેસેજીંગ એપ વોટ્સએપ હવે આ પ્લેટફોર્મ માટે ફીચર ડેવલપ નથી કરતું. Nokia S40 ઓપરેટિંગ સિસ્ટમ પર ચાલનારા ફોનમાં વોટ્સએપના કેટલાક ફીચર્સ ગમે ત્યારે બંધ થઈ શકે છે.