‘ધ કેરલા સ્ટોરી 2’એ હોળીના વેકેશનમાં કરી ધમાકેદાર કમાણી, 7માં દિવસે તોડ્યા રેકોર્ડ!

‘ધ કેરલા સ્ટોરી 2’એ 7 દિવસમાં કરી 22 કરોડથી વધુની કમાણી, જાણો લેટેસ્ટ આંકડા

જ્યારે કોઈ ફિલ્મ વિવાદોમાં ઘેરાયેલી હોય, ત્યારે લોકોમાં તે જોવાની ઉત્સુકતા વધી જતી હોય છે. આવું જ કંઈક નિર્દેશક કામાખ્યા નારાયણ સિંહની ફિલ્મ ‘ધ કેરલા સ્ટોરી 2’ સાથે જોવા મળી રહ્યું છે. 27 ફેબ્રુઆરીએ સિનેમાઘરોમાં રિલીઝ થયેલી આ ફિલ્મે શરૂઆતમાં ભલે ધીમી ગતિએ ખાતું ખોલાવ્યું હોય, પણ હવે તે બોક્સ ઓફિસ પર મજબૂત પકડ જમાવી રહી છે.

રિલીઝ પહેલા આ ફિલ્મને લઈને સોશિયલ મીડિયા પર ખૂબ ચર્ચા થઈ હતી અને કેટલાકે તો તેને બેન કરવાની પણ માંગ કરી હતી. પરંતુ કાયદાકીય અડચણો પાર કરીને ફિલ્મ આખરે દર્શકો સુધી પહોંચી અને હવે તે કમાણીના મામલે મચાવી રહી છે ધમાલ.

હોળીના તહેવારનો મળ્યો મોટો લાભ

‘ધ કેરલા સ્ટોરી 2’ ને તેના પ્રથમ વીકએન્ડ પછી હોળીની રજાઓનો મોટો ફાયદો મળ્યો છે. હોળીના તહેવાર દરમિયાન લોકો ફેમિલી સાથે ફિલ્મ જોવા ઉમટી પડ્યા, જેના કારણે કામકાજના દિવસોમાં પણ ફિલ્મનું કલેક્શન આશ્ચર્યજનક રીતે વધ્યું છે. નાના બજેટની ફિલ્મ હોવા છતાં, તે મોટી ફિલ્મોને ટક્કર આપી રહી છે.

7માં દિવસનું કલેક્શન અને કુલ કમાણી

જો આંકડા પર નજર કરીએ તો, ફિલ્મે પહેલા દિવસે માત્ર 75 લાખ રૂપિયાની કમાણી કરી હતી. પણ બીજા અને ત્રીજા દિવસે તેમાં મોટો ઉછાળો જોવા મળ્યો.

નર્સની ભૂમિકા ભજવવા માટે બોલિવૂડની દુનિયાથી અંતર રાખ્યું: કંગના રનૌતનો ખુલાસો

બીજા અઠવાડિયે કમાણી ધીમી પડી પણ ક્રેઝ નહીં! જાણો ‘દ્રશ્યમ 3’નું અત્યાર સુધીનું કુલ કલેક્શન

અહેવાલ મુજબ, 7માં દિવસે (ગુરુવારે) ફિલ્મે આશરે 2.19 કરોડ રૂપિયાનું કલેક્શન કર્યું છે. આ સાથે જ પહેલા અઠવાડિયાની કુલ કમાણી હવે 22.34 કરોડ રૂપિયા સુધી પહોંચી ગઈ છે. જે રીતે ફિલ્મ આગળ વધી રહી છે, તે જોતા લાગે છે કે બીજા વીકએન્ડમાં તે 30 કરોડનો આંકડો પણ પાર કરી લેશે.

ફિલ્મનું બજેટ અને સ્ટાર કાસ્ટ

આ ફિલ્મમાં ઉલ્કા ગુપ્તા, અદિતિ ભાટિયા અને ઐશ્વર્યા ઓઝા મુખ્ય ભૂમિકામાં જોવા મળી રહી છે. રિપોર્ટ્સ મુજબ, ‘ધ કેરલા સ્ટોરી 2’ નું કુલ બજેટ અંદાજે 28 કરોડ રૂપિયા છે. હવે જ્યારે ફિલ્મ 22 કરોડથી વધુની કમાણી કરી ચૂકી છે, ત્યારે તે તેના બજેટની લગત કાઢવાથી માત્ર થોડા જ ડગલાં દૂર છે. જો બીજા શનિવાર અને રવિવારે દર્શકોનો આવો જ પ્રતિસાદ રહ્યો, તો ફિલ્મ ‘સુપરહિટ’ ની શ્રેણીમાં આવી જશે.

ડે-વાઇઝ કલેક્શન પર એક નજર (Day-wise Breakdown):

‘ધ કેરલા સ્ટોરી 2’એ સાબિત કરી દીધું છે કે જો ફિલ્મની વાર્તામાં દમ હોય અને તે સામાજિક વિષયોને સ્પર્શતી હોય, તો મોટા સ્ટાર્સ વગર પણ ફિલ્મ કમાલ કરી શકે છે. હોળીના રંગોની સાથે ફિલ્મનું કલેક્શન પણ ખીલ્યું છે. હવે જોવાનું એ રહેશે કે આવનારા દિવસોમાં તે બોલિવૂડની મોટી ફિલ્મો સામે કેટલી ટકી શકે છે.