કેન્દ્રીય મંત્રીમંડળે બુધવારે એક મહત્વપૂર્ણ નિર્ણય માં 12,195 કરોડ રૂપિયાના ટેલિકોમ ઉપકરણો માટે ઉત્પાદન સાથે જોડાયેલા ઉપકરણો યોજનાને મંજૂરી આપી દીધી છે. કેન્દ્રીય મંત્રી રવિશંકર પ્રસાદે બુધવારે આ વાત કરી હતી.
કેબિનેટની બેઠક બાદ પત્રકારો સાથેની વાતચીતમાં સંચાર મંત્રી રવિશંકર પ્રસાદે જણાવ્યું હતું કે, સરકાર ભારતને ઉત્પાદન માટે વૈશ્વિક પાવરહાઉસ તરીકે આગળ વધારવા અને વેપાર-ઉદ્યોગમાં સરળતા માટે અનુકૂળ વાતાવરણ ઊભું કરી રહી છે.
મંત્રીમંડળે રૂ. 12,195 કરોડના ટેલિકોમ ઉપકરણોના ઉત્પાદન માટે પ્રોડક્શન લિંક્ડ ઇન્ત્સાહક (પીએલઆઈ) યોજનાને મંજૂરી આપી દીધી છે. સરકારને આશા છે કે આ યોજના આગામી પાંચ વર્ષમાં દેશમાં 2, 44200 કરોડ રૂપિયાના ટેલિકોમ ઉપકરણોનું ઉત્પાદન કરશે. ટૂંક સમયમાં સરકાર લેપટોપ અને ટેબ્લેટના ઉત્પાદનને પ્રોત્સાહન આપવા માટે પીએલઆઈ યોજના સાથે આવશે, એમ મંત્રીએ જણાવ્યું હતું.
