પ્રધાનમંત્રી નરેન્દ્ર મોદી વર્ષની બીજી ‘મન કી બાત’ દ્વારા દેશને સંબોધિત કરી રહ્યા છે. માસિક રેડિયો કાર્યક્રમનો આ ૭૪ એપિસોડ છે. પીએમ મોદીએ કહ્યું કે પાણી આપણા માટે જીવન અને વિશ્વાસ છે. પારસ કરતાં પાણી વધુ મહત્ત્વનું છે અને આપણે તેનું સંરક્ષણ કરવા માટે પ્રયાસ કરવાની જરૂર છે. મન કી બાત કાર્યક્રમ પીએમ મોદીના ટ્વિટર હેન્ડલ, ફેસબુક પેજ અને મોદી એપ દ્વારા પણ સાંભળી શકાય છે. આ કાર્યક્રમનું પ્રસારણ દર મહિનાના છેલ્લા રવિવારે
કરવામાં આવે છે.
આ પહેલા 15 ફેબ્રુઆરીએ પ્રધાનમંત્રીએ મન કી બાત માટે જુદા જુદા વિષયો પર લોકો પાસેથી સૂચનો માંગ્યા હતા. પ્રધાનમંત્રીએ ટ્વીટ કર્યું હતું કે, “પ્રેરણાદાયી ઉદાહરણો દ્વારા જાન્યુઆરીની ‘મન કી બાત’માં કલા, સંસ્કૃતિ, પ્રવાસન અને કૃષિ નવીનતાથી માંડીને વિવિધ વિષયો પર પ્રકાશ મૂકવામાં આવ્યો હતો. ફેબ્રુઆરીમાં, આ કાર્યક્રમ વધુ પ્રેરણાદાયી ટુચકાઓ સાંભળવા માંગો છો જે 28મી એ હશે. વડા પ્રધાન મોદીએ લોકોને હિન્દી અથવા અંગ્રેજીમાં પોતાનો સંદેશ રેકોર્ડ કરવા માટે ટોલ ફ્રી નંબર પણ શેર કર્યો હતો.
જાન્યુઆરીમાં પોતાની છેલ્લી મન કી બાતમાં વડા પ્રધાન નરેન્દ્ર મોદીએ કોરોના સામે ચાલી રહેલા દેશવ્યાપી રસીકરણ અભિયાનનો ઉલ્લેખ કરતાં જણાવ્યું હતું કે, ભારત કટોકટીના સમયે વિશ્વસેવા કરવામાં સક્ષમ છે કારણ કે આજે તે દવાઓ અને રસીમાં આત્મનિર્ભર છે. તેમણે કહ્યું હતું કે, આ એક આત્મનિર્ભર ભારત અભિયાનનો વિચાર છે. ભારત વધુ સક્ષમ છે, માનવતા સેવા કરશે, વિશ્વને વધુ ફાયદો થશે.
