Starbucksના કેફેમાં વસ્તુ ખરીદ્યા વગર પણ બેસી શકાશે

સ્ટારબક્સે શનિવારે એક નવી નીતિની જાહેરાત કરી હતી કે, કોઈ પણ વ્યક્તિ તેના કેફેમાં બેસી શકે છે તેમજ તેના રેસ્ટરૂમનો ઉપયોગ કરી શકે છે, પછી ભલે તે કંઇપણ વસ્તુની ખરીદી ન કરે. ફિલાડેલ્ફિયા સ્ટારબ્કસમાં બે બ્લેકમેનની ધરપકડ કરવામાં આવી હતી, જેમણે કંઈ જ ખરીદ્યું ન હતું અને ત્યારબાદ આ નીતી બનાવવામાં આવી હતી. તેમજ પાંચ અઠવાડિયા પછી આ નવી નીતીનો અમલ થશે. કંપનીના એક્ઝિક્યુટિવ્સે જણાવ્યું છે કે, તેની અગાઉની નીતિઓ અવ્યવહારું અને અસ્પષ્ટ હતી, પરંતુ હવે લોકો તેમના સ્ટોર્સમાં બેસી શકે તેમજ રેસ્ટરૂમનો પણ ઉપયોગ કરી શકે છે. સ્ટારબક્સે તેના કર્મચારીને જણાવ્યું હતું કે , તેઓ સ્ટોર્સમાં આવેલા દરેક ગ્રાહકો પર ધ્યાન રાખશે તેમજ તેમણી જરૂરિયાત પૂરી કરશે, પછી ભલે તેઓ કોઈ પણ વસ્તુની ખરીદી ન કરે. કંપનીએ જણાવ્યું હતું કે, કોઈ પણ વ્યક્તિ તેના સ્ટોર્સમાં એકય વસ્તુ ના ખરીધ્યા કર્યા વગર બેસી શકે છે તેમજ તેમનું કેફે, બેઠક વ્યવસ્થા અને આરામરૂમનો પણ ઉપયોગ કરી શકે છે, પણ તેને નોંધ્યું હતું કે, જો કોઈપણ વ્યક્તિ અસલામતી કે અવ્યવહારું વર્તન કરે તો કર્મચારી પોલિસને કોલ કરી બોલાવી શકે છે.