US Visa Fee Increase અમેરિકા વિઝા મોંઘા થયા: નવા નિયમો ક્યારે લાગુ પડશે અને કેટલો વધારાનો ખર્ચ થશે?
US Visa Fee Increase અમેરિકા જતા લોકો માટે મહત્વપૂર્ણ સમાચાર છે. અમેરિકાએ નોન-ઇમિગ્રન્ટ વિઝાની ફીમાં વધારો કર્યો છે, જેના કારણે ભારતીય સહિત અનેક વિદેશી નાગરિકોને વધુ ખર્ચ વહન કરવો પડશે. નવો આદેશ “વન બિગ બ્યુટીફુલ એક્ટ” હેઠળ લાવવામાં આવ્યો છે અને તે આગામી નાણાકીય વર્ષથી અમલમાં આવશે.
શું બદલાશે નવા નિયમ હેઠળ?
ટ્રમ્પ સરકાર દ્વારા તમામ નોન-ઇમિગ્રન્ટ વિઝા માટે નવા $250 (અંદાજે ₹21,546) વિઝા ઇન્ટિગ્રિટી ફીનો દાખલ કરવામાં આવ્યો છે. હાલ વિઝા માટે $65 થી $185 સુધીની ફી વસૂલવામાં આવે છે. હવે આ વધારાની ફી $185 જેટલી વધશે. આ ફી, જો અરજદાર નિયમોનુસાર અમેરિકા છોડી દેશે અને વિઝાના નિયમોનું પાલન કરશે, તો પરત કરવામાં આવશે.
કેવી રીતે અસર થશે ભારતીયોને?
ભારતીય વિદ્યાર્થીઓ, કામદારો અને પ્રવાસીઓ માટે આ વધારો નક્કી જ આર્થિક બોજ લાવશે. ખાસ કરીને F-1 (અભ્યાસ માટે), H-1B (નોકરી માટે), B-1/B-2 (પ્રવાસ અને વ્યવસાય માટે) અને J-1 (વિનિમય કાર્યક્રમ માટે) જેવી કેટેગરીના વિઝા ધરાવનારા લોકો વધુ ચૂકવણી કરશે.
અમેરિકાના વિઝાનો પ્રકાર
અમેરિકા બે પ્રકારના વિઝા આપે છે:
- નોન-ઇમિગ્રન્ટ વિઝા – જે તાત્કાલિક પ્રવાસ, અભ્યાસ, નોકરી કે વ્યવસાય માટે હોય છે.
- ઇમિગ્રન્ટ વિઝા – જે લોકો કાયમી રીતે અમેરિકા રહેવા ઇચ્છે છે, તેમને માટે હોય છે.
સંપર્ક માહિતી અને વધુ જાણકારી માટે
વિઝા વિશે વધુ માહિતી માટે લોકો યુએસ એમ્બેસીની વેબસાઇટ https://in.usembassy.gov/visas પર જઈ શકે છે. વિઝાની સ્થિતિ જાણવા માટે https://ceac.state.gov/CEAC/ પર લોગિન કરી શકાય છે. તેમજ સહાય માટે [email protected] પર સંપર્ક કરી શકાય છે.
