લો પારુલ દુષ્કર્મકાંડનો આરોપી જયેશ પટેલ મીડિયા પર લાલચોળ બન્યો .

પારૂલ દુષ્કર્મકાંડના આરોપી જયેશ પટેલ હાલ વડોદરા સેન્ટ્રલ જેલમાં કાચા કામના કેદી તરીકે દિવસો વિતાવી રહ્યો છે. આંખોમાં તકલીફ થતી હોવાની ફરિયાદ કરી
અવાર નવાર સયાજી હોસ્પિટલ સારવાર અર્થે દાખલ થતો હોય છે. પરંતુ તબીબી સારવારમાં કોઈ બાબત બહાર ન આવતાં પરત મોકલી દેવાતો હોય છે. આજે ફરી
વખત જમણી આંખમાં ઈન્ફેક્શન હોવાની ફરિયાદ કરતાં સયાજી હોસ્પિટલમાં લઈ જવાયો હતો. બીજી તરફ હોસ્પિટલમાં મિડિયા કર્મીઓ આવતાં જ તેમના ઉપર
ગુસ્સે ભરાઈને ફોટા પાડતા રોક્્યા હતા.વડોદરાના બહુ ચર્ચિત પારૂલ ઇન્સ્ટીટ્યૂટની વિદ્યાર્થીની ઉપર દુષ્કર્મ આચરવાના કેસમાં ઇન્સ્ટીટ્યૂટના પૂર્વ  ચેરમેન જયેશ પટેલે આજે ફરી વખત આંખોમાં તકલીફ થતી હોવાનું જેલ સત્તાધિશોને જણાવતાં સયાજી હોસ્પિટલમાં લાવવામાં આવ્યો હતો. કોર્ટમાંથી હાથકડી ન પહેરાવવાનો હુકમ મેળવનાર જયેશ પટેલને પોલીસ જાપ્તા હેઠળ અન્ય કેદીઓની સાથે પોલીસ જાપ્તાની વાનમાં સવારે ૯ કલાકે સયાજી હોસ્પિટલના આંખ
વિભાગની ઓ.પી.ડી.-૧૨માં આંખ વિભાગના વડા ડો.આહીરે આરોપી જયેશ પટેલની આંખ ચકાસી હતી.આરોપીએ ડોક્ટરને જણાવ્યું હતું કે, જમણી આંખ ખુલતી
ન હોવાની ફરિયાદ કરી હતી. ડોક્ટરની તપાસમાં આરોપી જયેશ પટેલને જમણી આંખમાં ઇન્ફેક્શન થયું હોવાથી આંખ ખુલતી નથી. આંખની તપાસ બાદ તેઓને મેડીસીન યુનિટ ઓ.પી.ડી. -૧૮માં ડાયાબીટીસની તપાસ માટે લઇ જવામાં આવ્યો હતો. આરોપી ડો. જયેશ પટેલની મેડીસીન યુનિટ ઓ.પી.ડી. -૧૮માં ડાયાબીટીસની પ્રાથમિક તપાસ કરવામાં આવી હતી. તે બાદ વધુ તપાસ માટે ઓ.પી.ડી.ની બહાર સામાન્ય દર્દીઓની સાથે બાંકડા ઉપર બેસાડવામાં આવ્યો હતો. તે દરમિયાન મિડિયા કર્મીઓ તેની સાથે વાત કરવા પહોંચતાં તેમના ઉપર ગિન્નાયો હતો. ગુસ્સે ભરાયેલા જયેશ પટેલે મિડિયા કર્મીઓ સાથે ઉધ્ધતાઈ ભર્યું વર્તન કરી તસવીરો પાડવાની મનાઈ કરી હોવાનું પણ સામે આવ્યું છે.